ფეხბურთი

2:18 | 13.06.2019 | ნანახია [] - ჯერ

რაიოლა დე ლიხტის პსჟ-ში გადასვლაზე: "ეს ცრუ ინფორმაციაა"

ამსტერდამის „აიაქსის“ კაპიტნის, მატის დე ლიხტის სატრანსფერო საგას დასასრული არ უჩანს. დღეს, ჰოლანდიელი ფეხბურთელის აგენტი მინო რაიოლა პარიზში შენიშნეს, სადაც ფრანგ ჟურნალისტთან ფოტო გადაიღო.

რის შემდგომაც გავრცელდა ცნობა, რომ დე ლიხტის „პარი სენ ჟერმენში“ გადასვლის საკითხი იხურებოდა. თუმცა, რაიოლამ ANSA-სთან საუბარში ამ ინფორმაციას ყალბი უწოდა.

„ეს არის კლასიკური ყალბი ინფორმაციის მაგალითი. იმ ჟურნალისტმა ფოტოს გადაღება მთხოვა, მაგრამ არ ვიცოდი ვინ იყო ის სინიორი. მასთან არასდროს მისაუბრია“, - თქვა დე ლიხტმა.

საინტერესოა, რომ გუშინ თავად დე ლიხტმა თქვა, რომ „ბარსელონაში“ გადასვლისთვის შესაფერისი მომენტი არ იყო, ხოლო სოციალურ ქსელში „ბარსას“ წარმომადგენელმა ერიკ აბიდალმა დაწერა, რომ ვინც „ბარსელონაში“ თამაშზე უარს იტყვის, ის ამას არ იმსახურებს.

0.12922