ნაციონალური საკალათბურთო ასოციაციის სუპერფინალური სერიის ვერც მეხუთე მატჩში კევინ დურანტი „გოლდენ სტეიტს“ ვერ დაეხმარება, აღნიშნულ ინფორმაციას ESPN-ი ავრცელებს.
დურანტმა წვივის ტრავმა კონფერენციის ნახევარფინალში „ჰიუსტონთან“ მატჩში მიიღო და მას შემდეგ კევინი პარკეტზე აღარ გამოსულა.
შეგახსენებთ, რომ სუპერფინალურ სერიას „ტორონტო“ 3:1-ს იგებდა. მომდევნო შეხვედრა კანადაში 11 ივნისს თბილისის დროით 05:00 საათზე გაიმართება.
