კალათბურთი

17:04 | 4.06.2019 | ნანახია [] - ჯერ

საქართველოს U18 კალათბურთელთა 3×3 ნაკრებმა მსოფლიოს ჩემპიონატი გამარჯვებით გახსნა

საქართველოს ნაკრების წარმატებული სტარტი მსოფლიოს ჩემპიონატზე. მონღოლეთში მიმდინარე 3×3 კალათბურთის 18-წლამდელთა მსოფლიოს ჩემპიონატზე ჩვენმა გუნდმა პირველი მატჩი გამართა და დამაჯერებელი გამარჯვება მოიპოვა. ქართველები ბელარუსის ნაკრებს შეხვდნენ და ანგარიშით 21:16 დაამარცხეს. 3×3 წესების თანახმად, თამაში წყდება და გუნდს, რომელიც 21 ქულას მიაღწევს, მოგება ეთვლება. მატჩი ბოლო წუთზე ქარველებმა 21-ე ქულა მიითვალეს და მსოფლიოს ჩემპიონატზე პირველი გამარჯვება გაიფორმეს.

შეგახსენებთ, რომ ჩვენი ნაკრების ღირსებას ლაშა მიქელაძე, ვოვა თავაქარაშვილი, ირაკლი სულხანიშვილი და ნიკა ნიკოლაიშვილი იცავენ. ყველა მათგანმა უმაღლეს დონეზე ითამაშა, გამარჯვებისთვის ყველაფერი გაიღო და მოგებაც დაიმსახურა. ჩვენი ნაკრების ფარქვეშა ბურჯი ლაშა მიქელაძე გახლდათ, პერიმეტრიდან კი ირაკლი სულხანიშვილი გამოირჩა, რომელმაც ბელარუსებს 3 ორქულიანი (3×3 კალათბურთში 2 ქულად ფასობს) მიითვალა. ნიკოლაიშვილი და თავაქარაშვილი ორივე რგოლში აქტიურობდნენ და საბოლოოდ გამარჯვებაშიც სოლიდური წილი დაიდეს.

ჩვენი ჯგუფის დანარჩენ მატჩებში შემდეგი შედეგები დაფიქსირდა: აშშ – ლატვია 21:13, მონღოლეთი – ლატვია 20:16. საქართველოს ნაკრები დღეს მეორე მატჩსაც გამართავს, მეტოქე კი აშშ იქნება.

www.gbf.ge

0.115423