დაახლოებით სამი წელია, რაც ლეგენდარული ინგლისელი ფეხბურთელის დევიდ ბექჰემის ცოლმა, ყოფილმა მოდელმა და მომღერალმა ვიქტორია ბექჰემ-ადამსმა თავი ვეგეტარიანელად გამოაცხადა და სხვებსაც მოუწოდა, თქვენ თუ კარგი ხალხი ხართ და ცხოველები გიყვართ, ხორცს პირში ცოცხალი თავით არ უნდა იდებდეთო.
უკანასკნელ პერიოდში ვეგეტარიანული მოძრაობა მთელს მსოფლიოში პოპულარული ხდება და არავის გაკვირვებია, რომ ხორცის არმჭამელთა რიგებს ვიქტორია ადამასისთანა ქალიც შეუერთდა. მით უმეტეს, ვიქტორიამდე ვეგეტარიანული მსოფხედველობა ცხოვრების გზად და ხიდად მასზე ბევრად ცნობილმა ქალბატონებმაც აირჩიეს.
თუმცა, როგორც ჩანს მოთმინების უნარმა დევიდის კაპარჩხანა ცოლსაც უღალატა და სულ ახლახანს ჟურნალისტებს გამოუტყდა, რომ გემრიელ ბეკონზე უარს ვეღარ ამბობს. თუმცა, კვლავ აპირებს დათრგუნოს სურვილები და საბოლოო ჯამში მაინც გახდება ჭეშმარიტი ვეგეტარიანელი. როგორც ჩანს ამ ქალს სურვილების დათრგუნვა და “ყურებით დაჭერილი“ ქმრის ოთხად მოკეცვა ერთნაირად ადვილი საქმე ჰგონია.
