საქართველოს ეროვნული ნაკრები ევროპის 2020 წლის ჩემპიონატის შესარჩევი ეტაპისთვის ემზადება და დღეს შეკრების მესამე დღე იყო. ვლადიმირ ვაისის გუნდს ორი ფეხბურთელი გიორგი ხარიაშვილი და გიორგი ნავალოვსკი შეუერთდნენ.

ხარაიშვილმა ფეხბურთის ფედერაციასთან საუბარში კომენტარიც გააკეთა:

"ჩემთვის ეროვნულ ნაკრებში გამოძახება ყოველთვის დიდი პატივი და პასუხისმგებლობაა. გუნდი მომავალი თამაშებისთვის კარგად ემზადება, თუმცა ჯერ სრული შემადგენლობით არ შევკრებილვართ. პირველი თამაშისთვის მოსამზადებლად ბევრი დრო არ დაგვრჩა, მაგრამ ჩემი აზრით, შევძლებთ, რომ მოახლოებულ შეხვედრებს სრულ მზადყოფნაში შევხვდეთ", - თქვა ხარაიშვილმა.

საქართველოს ნაკრებს ხვალ გურამ კაშია, გიორგი აბურჯანია, გიორგი პაპუნაშვილი და ოთარ კიტეიშვილი შეუერთდებიან. დანარჩენმა ფეხბურთელებმა კი დღეს სრული დატვირთვით ივარჯიშეს. გამონაკლისი მხოლოდ სოლომო კვირკველიაა, რომელიც ინდივიდუალურად ემზადება.

შეგახსენებთ, რომ საქართველოს ნაკრები 7 ივნისს თბილისში გიბრალტარს უმასპინძლებს, ხოლო 10 ივნისს დანიას ესტუმრება.