ლონდონის "არსენალი" მესუთ იოზილის გაყიდვას აპირებს. როგორც Sky Sports-ი იუწყება, იმ შემთხვევაში თუ რომელიმე კლუბი "მეთოფეებს" ფეხბურთელის სანაცვლოდ სარფიან წინადადებას შესთავაზებს, ინგლისელები ტრანსფერს იოლად დათანხმდებიან. "არსენალს" იოზილის გაყიდვა მისი მაღალი ხელფასის გამო სურს.

მესუთს კლუბთან კონტრაქტი 2021 წლის ივლისამდე აქვს გაფორმებული და როგორც Evening Standard-ი იუწყება, ფეხბურთელი ლონდონში თავს კარგად გრძნობს. გერმანელი "არსენალში" 2013 წელს მადრიდის "რეალიდან" გადავიდა და მას შემდეგ ჩატარებულ 231 მატჩში 43 გოლი გაიტანა და 74 საგოლე გადაცმა შეასრულა. ამჟამად მესუთის სატრანსფერო ღირებულება 35 მილიონი ევროა.