ტრიბუნებიდაბ მამებმა, მოედანზე - ბავშვებმა, მანდილოსან მსაჯს შეურაცხყოფა მიაყენეს. ინციდენტი იტალიაში, ერთ-ერთ ახალგაზრდულ ტურნირზე მოხდა „ტრეპორტისა“ და „მირანეზეს“ შეხვედრაში.

Gazzettino-ს ინფორმაციით, მთელი მატჩის განმავლობაში „ტრეპორტის“ ფეხბურთელთა მშობლები 22 წლის ჯულია ნიკასტროს ტრიბუნებიდან სექსისტური შეძახლებით „ამკობდნენ“, მაგრამ ეს ყველაფერი არაა.

ერთ-ერთ ეპიზოდში, როდესაც ჯულიამ კუთხური დანიშნა, „ტრეპორტის“ 14 წლის ფეხბურთელმა დემონსტრაციულად ქალბატონის წინაშე შორტი ჩაიხადა. ბუნებრივია, ხსენებულს გამოხმაურება მოჰყვა და საქმეზე იტალიის ფეხბურთის ფედერაციის სააარბიტრაჟო სასამართლო იმსჯელებს.

აქვე გეტყვით, რომ ჯულია ნიკასტრო „პალერმოს“ თავდამსხმელ სტეფანო მორეოს შეყვარებული გახლავთ.