ჩოგბურთი

14:37 | 15.05.2019 | ნანახია [] - ჯერ

გორგოძე ერთეულთა ტურნირს შემორჩა

ქართველმა ჩოგბურთელმა ეკატერინე გორგოძემ ესპანურ ლა ბისბალ დ’ემპორდაში მიმდინარე საერთაშორისო ტურნირზე (საპრიზო ფონდი 60 ათასი დოლარი) წყვილთა თანრიგის მატჩი წააგო.

გორგოძე და უზბეკი აკგულ ანანმურადოვა შეჯიბრში მე-4 განთესვით ჩაებნენ და მერვედფინალში ესპანურ დუეტთან (ბურილიო ესკორიჰუელა-ლაზარო გარსია) 6:1, 5:7, 4:10 წააგეს.
შეგახსენებთ, რომ ერთეულთა ტურნირში გორგოძე მე-2 წრეშია გასული, სადაც მე-2 განთესვის მქონე სერბ ივანა ჯოროვიჩს გაეჯიბრება.
აშშ-ში, კერძოდ კი, ნეიპლსში სტარტი აიღო 15-ათასიანმა ტურნირმა, რომელში ქართველი ჩოგბურთელი სალომე დევიძეცაა ჩართული.
წყვილთა შეჯიბრის მერვედფინალში პირველ ნომრად განთესილმა დევიძემა და ამერიკელმა ალისია პარკსმა მასპინძლებს – კრუეგერსა და იუს 6:3, 6:2 სძლიეს და მეოთხედფინალში ამერიკელთა კიდევ ერთ დუეტს (ბრაუნი-ჯეკსონი) ეთამაშებიან.
ერთეულთა თანრიგში მე-4 განთესვის მქონე დევიძე კვალიფიკაციის ერთ-ერთ გამარჯვებულ – კანადელ ლუიზ კვონგს დაუპირისპირდება.

0.145614