ავტოსპორტი

1:20 | 15.05.2019 | ნანახია [] - ჯერ

ფორმულა 1 ჰოლანდიას 35 წლის შემდეგ უბრუნდება

ფორმულა 1-ის მსოფლიო ჩემპიონატს, ჰოლანდიის დიდი პრიზი უბრუნდება. 2020 წლიდან სამი სეზონის განმავლობაში, თითო რბოლას, ცანდფოოორტის ზღვის პირას არსებული ტრეკი უმასპინძლებს. დიდი პრიზების ცირკს ეს ტრასა 35-წლიანი პაუზის შემდეგ უბრუნდება.

უკვე ჩამოყალიბებული ვარსკვლავის, მაქს ფერსტაპენის წყალობით, ვინც ფორმულა 1-ის ისტორიაში, რბოლის ყველაზე ახალგაზრდა გამარჯვებულია, ცანდფოორტის ტრეკზე მაქსიმალური დასწრება გარანტირებულია - ფერსტაპენს საქომაგოდ, ასეულობით ფანი შორეულ ქვეყნებშიც დაჰყვება.

ფორმულა ერთის შეფი ჩეის ქერი ამბობს, რომ მისი ორგანიზაციის ერთ-ერთი მთავარი მიზანი, ძირითადი ევროპული ეტაპების გარდა, კალენდარში ახალი ადგილების მოზიდვაა. ჰოლანდიის გარდა, მომავალ სეზონში კალენდარს ვიეტნამის დიდი პრიზი დაემატება. სავარაუდოდ, ცანდფოორტი კალენდარში ბარსელონას ჩაანაცვლებს.

ფორმულა 1-ის ისტორიაში, ჰოლანდიის დიდი პრიზი სულ 30-ჯერ არის ჩატარებული. ცანდფოორტმა ფ1-ის რბოლას პირველად 1952 წელს უმასპინძლა და მაშინ გამარჯვება „ფერარის“ იტალიელმა ალბერტო ასკარიმ მოიპოვა. ჰოლანდიის დიდი პრიზი ყველაზე მეტჯერ (ოთხჯერ) ლეგენდარულ შოტლანდიელ ჯიმ კლარკს აქვს მოგებული. ჰოლანდიის დიდი პრიზი ბოლოს 1985 წელს ჩატარდა და ის ნიკი ლაუდას (მაკლარენი) გამარჯვებით დასრულდა.

Loading...
0.132018