ფეხბურთი

18:51 | 11.05.2019 | ნანახია [] - ჯერ

"მანჩესტერმა" შარშან დე ლიხტის შეძენაზე უარი თქვა, რადგან მისის ფიზიკური მდგომარეობა აეჭვებდათ

ინგლისური „მანჩესტერ იუნაიტედი“ ამსტერდამის „აიაქსის“ კაპიტან მატის დე ლიხტის ყიდვას დიდი ხანია ცდილობს, თუმცა, სერიოზული კონკურენტები ჰყავს და ჰოლანდიელის შეძენა გაუჭირდება.

მაგრამ გასულ ზაფხულს დე ლიხტი ახლოს ყოფილა „წითელ ეშმაკებში“ გადასვლასთან. Mirror-ი იტყობინება, რომ ერთი წლის წინ „იუნაიტედი“ ცენტრალურ მცველს ეძებდა და ლუის ვან გაალის რჩევით ჰოლანდიელმა აგენტმა მარსელ ბუტმა „მანიუს“ დე ლიხტი შესთავაზა.

თუმცა, იმავე ბუტმა ინგლისელებს განუცხადა, რომ დე ლიხტს წონაში მკვეთრი მატების საშიშროება ჰქონდა გენეტიკიდან გამომდინარე, რაც ძალისა და სისწრაფის დაკარგვას გამოიწვევდა. „იუნაიტედის“ სტაფის წარმოუდგენელი შეცდომა, რადგან ინგლისურ გრანდს 19 წლის ტალანტის ხელში ჩაგდება გაცილებით დაბალ ფასში შეეძლო, ვიდრე ამჟამად ფასობს.

ამჯერად, მატის დე ლიხტი არამარტო გაცილებით ძვირი ღირს, არამედ არაერთი გრანდის ინტერესის სფეროშია. თუმცა, როგორც უცხოური გამოცემები წერენ, ჰოლანდიელი დიდი ალბათობით, არჩევანს „ბარსელონაზე“ შეაჩერებს.

სტატისტიკა
0.297431