ფეხბურთი

23:40 | 10.05.2019 | ნანახია [] - ჯერ

პოჩეტინო: "5 წლის შემდეგ ამ თავის დახურვის დრო მოვიდა"

ლონდონის „ტოტენჰემის“ მთავარი მწვრთნელი მაურისიო პოჩეტინო დარწმუნებული არაა, რომ მომავალ სეზონშიც „ჰოტსპურის“ თავკაცი იქნება. არგენტინელის განცხადებით, 5 წლის შემდეგ მოვიდა დრო, რომ თავგადასავალი დაიხუროს.

თუმცა, მანამდე, პოჩეტინომ პრემიერლიგის ბოლო ტურში „ევერტონთან“ დაპირისპირების მნიშვნელობაზე ისაუბრა.

„საოცნებო პერიოდი გვაქვს, მაგრამ კვირას ძალიან მნიშვნელოვანი თამაში გველოდება. ახლა ჩვენი პრიორიტეტი ესაა და მზად უნდა ვიყოთ. სატურნირო ცხრილში კარგ პოზიციაში ვართ, მაგრამ განაღდებული არაფერი გვაქვს. პრემიერლიგაში კარგი დასასრული მადრიდული ფინალისთვის განწყობას აგვიმაღლებს.

მომავალი? რთული კიხვაა. პრეზიდენტთან უნდა ვისაუბრო. მანამდე მნიშვნელოვანი მომენტი გვექნება, ჩემპიონთა ლიგის ფინალი და მაგიდას მხოლოდ ამისშემდეგ მივუსხდებით. ალბათ, ხუთი წლის შემდეგ ამ თავის დახურის დრო მოვიდა. ახლა მნიშვნელოვანი იქნება ნათელი იდეები და პროექტი. ვფიქრობ, ხუთი წლის წინ მთავარი გამოწვევა ახალი სტადიონის აშენება და მისი დასრულება იყო. ახლა ჩვენ ჩემპიონთა ლიგის ფინალში ისტორიაში პირველად ვიმყოფებით და ეს დიდი წარმატებაა. ახლა კი, ახალი პროექტია საჭირო, მის გარეშე დარჩენას არ ვაპირებ, მაგრამ პრეზიდენტთან ვისაუბრებ, ის უფროსია და უნდა იცოდეს რა უთხრას მედიასა და გულშემატკივრებს“, - თქვა პოჩეტინომ.

შეგახსენებთ, არგენტინელმა „ტოტენჰემიდან“ წასვლაზე სიტყვა ჯერ კიდევ „აიაქსთან“ გამარჯვების შემდეგ ჩამოაგდო. რაც შეეხება პრემიერლიგას, ლონდონური გუნდი მეოთხე ადგილზეა და ბოლო ტურის წინ „არსენალს“ სამი ქულით უსწრებს.

Loading...
სტატისტიკა
0.233278