ვარლამ კილასონიას „რუსთავში“ დაბრუნება წარმატებული გამოდგა. ქვემო ქართლელებმა საქართველოს კრისტალბეთ ეროვნულ ლიგაში განვლილი ათი ტური მოუგებლად განვლეს და „ვიტ ჯორჯიასთან“ მატჩში ყველაფერი იქეთკენ მიდიოდა, რომ არაფერი არ უნდა შეცვლილიყო.

კაკაშვილისა და გეთიაშვილის გოლებით „ვიტელები“ 28-ე წუთისთვის ორბურთიანი სხვაობით იგებდნენ. ასეთი ანგარიში ტაბლოზე 76-ე წუთზე შენარჩუნდა, მაგრამ მატჩის ბოლო 14 წუთში „რუსთავმა“ დიდებული ქამ-ბექი შეასრულა და გამარჯვების მოპოვება მოახერხა.

ნიკოლაი ყიფიანმა და სილაგაძემ გათანაბრება მოახერხეს, ხოლო მსაჯის პირველ დამატებულ წუთზე გისტაროვმა „რუსთავს“ ასე ნანატრი გამარჯვება მოუტანა. ამრიგად, კილასონიას დაბრუნება ცალსახად წარმატებული გამოდგა. თუმცა, მისი გუნდი ბოლო ადგილს ისევ ვერ მოსცილდა.

„ვიტ ჯორჯიამ“ კი ბოლო ოთხ ტურში ოდენ სამი ქულა მოიპოვა და პლეი-აუტის ზონაშია 11 ქულით.

„ვიტ ჯორჯია“ – „რუსთავი“ 2:3 (2:0)

გოლები: 1:0 კაკაშვილი (2), 2:0 გეთიაშვილი (28), 2:1 ყიფიანი (76), 2:2 სილაგაძე (83), 2:3 გისტაროვი (90)