„მანჩესტერ იუნაიტედის“ ყოფილი კაპიტანი რიო ფერდინანდი შესაძლოა მანკუნიანელთა რიგბს დაუბრუნდეს. Sky Sport-ის ინფორმაციით, ფერდინანდი „იუნაიტედის“ სპორტული დირექტორის პოსტზე განიხილება და ფავორიტიც გახლავთ.

ედ ვუდვორდმა უკვე განიხილა რიოს შესაძლო დანიშვნა და სურს, რომ მუშაობას ზაფხულში შეუდგეს. „წითელი ეშმაკები“ სპორტული დირექტორის პოსტზე ისეთ ადამიანს ეძებენ, რომელიც გუნდის შიდა სამზარეულოს კარგად იცნობს. ფერდინანდი კი, სწორედაც რომ ასეთია, რადგან წლების განმავლობაში „ოლდ ტრაფორდზე“ ირჯებოდა.

შეგახსენებთ, რომ ფერდინანდი „მანჩესტერში“ 2002-2014 წლებში თამაშობდა და ამ გუნდის რიგებში 14 ტიტულიც მოიგო.