ფეხბურთი

22:50 | 27.04.2019 | ნანახია [] - ჯერ

„დეზებმა“ ახალ სტადიონზე პირველად წააგეს

“ტოტენჰემმა“ არა მხოლოდ პირველი გოლი გაუშვა ახალ, შესანიშნავ სტადიონზე, არამედ პირველად დამარცხდა. ცოტა უცნაური, თუმცა მოსალოდნელად დაძაბული შეხვედრა გამოდგა. ბევრი იყო ბრძოლა, დინამიკასაც არა უშავდა. „ტოტენჰემი“ ბურთს აკონტროლებდა, ეგ არის, უპირატესობის რეალიზებას ვერ ახერხებდა.

„ვესტ ჰემი“ ყოჩაღად იცავდა თავს და დროდადრო კონტრშეტევებით იკბინებოიდა. განსაკუთრებით სახიფათო ისინი შესვენების შემდეგ გახდა და ერთი მათგანი გოლითაც დასრულდა. თავი მაიკლ ანტონიომ გამოიჩინა.

„დეზებმა“ მნიშვნელოვანი ქულები დაკარგეს, თუმცა ჯერჯერობით მესამე ადგილს ინარჩუნებენ.

„რთული თამაში გამოდგა. უპირატესობა ვერ გამოვიყენეთ. პირველ ტაიმში უკეთ ვირჯებოდით, მეორეში კი ბურთის კონტროლი დავკარგეთ. მაგრამ ამით არაფერი დამთავრებულა, მთავარი ბრძოლები წინ გველის.“ - უთხრა მერე ВВС-ის ტოტენჰემელთა დამრიგებელმა, მაურისიო პოჩეტინომ.

თრილერი გათამაშდა საუთჰემპტონის „სენტ მერის-ზე.“ „წმინდანები“ ჯერ უგებდნენ კერკეტ „ბორნმუთს,“ შემდეგ აგებდნენ, მერე ისევ დაწინაურდნენ, მაგრამ 86-ე წუთზე სტუმარმა კალუმ უილსონმა მაინც გაათანაბრა. საბოლოოდ - 3:3, რომელმაც „საუთჰემპტონი“ პრემიერლიგაში ოფიციალურად დატოვა.

ინგლისი

პრემიერლიგა. 36-ე ტური. 27 აპრილი

ტოტენჰემი - ვესტ ჰემი 0:1

ლონდონი. „ტოტენჰემ ჰოთსფური.“ 60 043

0:1 ანტონიო (67)

ტოტენჰემი: ლორისი, ალდერვეირელდი, სანჩესი, დევისი, როუზი (იანსენი 77), დაიერი, ალი (ვანიამა 85), ფოიტი, სონი, ერიკსენი, მოურა (ლიორენტე 66)

მწვრთნელი: მაურისიო პოჩეტინო

ვესტ ჰემი: ფაბიანსკი, ბალბუენა, დიოპი, ფრედერიკსი, მასუაკო, ანდერსონი, სნოდგრასი (ობიანგი 77), ნოუბლი (ოგბონა 85), ანტონიო, რაისი, არნაუტოვიჩი (პერესი 80)

მწვრთნელი: მანუელ პელეგრინი

მსაჯი: ენტონი ტეილორი

გაფრთხილება: სნოდგრასი (26), ფრედერიკსი (86)

კრისტალ პალასი - ევერტონი 0:0

საუთჰემპტონი - ბორნმუთი 3:3

1:0 ლონგი (12), 1:1 გოსლინგი (20), 1:2 უილსონი (32), 2:2 უორდ-პროუსი (55), 3:2 ტარგეტი (67), 3:3 უილსონი (86)

უოტფორდი - ვულვზი 1:2

0:1 ხიმენესი (41), 1:1 გრეი (49), 1:2 ჟოტა (78)

ფულემი - კარდიფი 1:0

1:0 ბაბელი (79)

ბრაიტონი - ნიუკასლი 1:1

0:1 პერესი (18), 1:1 გროსი (75)

სტატისტიკა
0.24077