ფეხბურთი

9:05 | 25.04.2019 | ნანახია [] - ჯერ

ზიდანის „შავი სია“

მომავალ ზაფხულს მადრიდის „რეალი“ ხუთ ფეხბურთელს დაემშვიდობება - გვამცნობს El Confidencial. წყაროს ცნობით, გუნდის მთავარმა მწვრთნელმა, ზინედინ ზიდანმა, იმ მოთამაშეების სია შეადგინა, რომლებსაც მიმდინარე სეზონის შემდეგ ტრანსფერზე დააყენებენ.

გარეთ ბეილი, მარკოს ლიორენტე, დანიელ სებალიოსი, სერხიო რეგილონი და მარიანო დიასი კლუბს დატოვებენ. თუმცა „სამეფო კლუბისთვის“ პრობლემა შესაძლოა, გარეთ ბეილის გაყიდვა აღმოჩნდეს. ამისათვის რამდენიმე მიზეზი არსებობს: მაღალი სატრანსფერო ღირებულება, ხელფასი, რომელიც წელიწადში 15 მილიონი ევროა და თავად ფეხბურთელის „სანტიაგო ბერნაბეუზე“ დარჩენის სურვილი.

შეგახსენებთ, რომ ზიდანი „რეალში“ წლეულს 11 მარტს დაბრუნდა. მანამდე, 2,5 წლის მუშაობისას, ფრანგმა გუნდთან ერთად 9 ტიტული მოიგო.

Loading...
0.11718