ფეხბურთი

19:20 | 19.04.2019 | ნანახია [] - ჯერ

რონალდუ "იუვენტუსის" დატოვებას არ აპირებს

ტურინის „იუვენტუსის“ თავდამსხმელი კრიშტიანუ რონალდუ ზაფხულში იტალიიდან წასვლას არ აპირებს. გუშინ ესპანურმა მედიამ გაავრცელა ცნობა, რომ პორტუგალიელი ჩემპიონთა ლიგიდან გამოთიშვილის შემდეგ იმედგაცრუებული იყო და გუნდის დატოვებას აპირებდა.

თუმცა, იტალიური მედია დღეს საპირისპირო ინფორმაციას ავრცელებს და კრიშტიანუ „იუვედან“ წასვლას არ გეგმავს.

ეს დღესვე დაადასტურა მასიმილიანო ალეგრიმაც:

„რონალდუ იმედგაცრუებულია ჩემპიონთა ლიგის გამო, როგორც ჩვენ ყველანი, რადგან გვინდოდა ამ ტურნირის მოგება. თუმცა, კრიშტიანუს დამატება ჩემპიონთა ლიგის მოგებას გარანტირებულად არ ნიშნავს. მან შესანიშნავი სეზონი ჩაატარა და ასევე შესანიშნავად ითამაშებს მომავალ სეზონშიც. ის "იუვენტუსის" მომავალია“, - განაცხადა ალეგრიმ.

როგორც იტალიური მედია წერს, რონალდუ რჩება და გარდა ამისა, ზაფხულში „იუვენტუსი“ შემადგენლობას საგრძნობლად გააძლიერებს.

შეგახსენებთ, რომ კრიშტიანუ რონალდუ „ბებერ ქალბატონს“ გასულ ზაფხულს შეუერთდა და დღემდე 26 გოლი გაიტანა. მათ შორის 6 ჩემპიონთა ლიგაზე.

Loading...
სტატისტიკა
0.2309