გერმანიის ბუნდესლიგის 29-ე ტურის მეორე სათამაშო მისთვის არადამახასიათებლად და უჩვეულოდ, მწირი გოლებით გამოირჩა. 5 მატჩში 10 გოლი ბუნდესლიგისთვის მარლაც დაბალი შედეგია.

ვთქვათ ის, რომ „დორტმუნდმა“ ერთი კვირის წინ მიუნხენში განცდილი ფიასკოს შემდეგ შინ „მაინცის“ დამარცხება მოახერხა და გალიდერდა, თუმცა შესაძლოა ერთი დღით. მატჩის გმირი ჯეიდონ სანჩო გამოდგა, რომელმაც დუბლი საწყის 24 წუთში მიითვალა და შეხვედრის ბედიც გადაწყვიტა. „ყვითლებმა“ „ბაიერნს“ ორი ქულით გაასწრეს, მაგრამ ამ ტურის თამაში მიუნხენელებმა დიუსელდორფში უნდა ჩაატარონ და მოკლედ, თუ მოიგებენ, მდგომარეობა უცვლელი დარჩება.

ბრემენის „ვერდერი“ ჩემპიონთა ლიგის ზონისკენ მიიწევს და ევროპა ლიგის ზონაში მკვიდრდება. „მუსიკოსებმა“ „ფრაიბურგის“ მედგარი წინააღმდეგობა ბოლოსკენ გატეხეს და იმარჯვეს. შედეგად, 46 ქულას მოუყარეს თავი და ახლოს არიან მეოთხე ადგილთან. თუმცა, უფრო ახლოს მდევრვები ჰყავს „ლევერკუზენისა“ და „ვოლფსბურგის“ სახით. „ფარმაცევეტებმა“ კაი ჰავერცის გოლით „შტუტგარტს“ სძლიეს, ხოლო „მგლები“ „ლაიფციგთან“ ვერაფერს გახდნენ. თავის მხრივ „რედ ბული“ ჩემპიონთა ლიგასთან უკვე ერთ ნაბიჯშია.

„ჰანოვერმა“ კი შინ ასევე ლიგის საგზურისთვის მებრძოლ „გლადბახთან“ წააგო და კიდევ ერთხელ დაგვიდასტურა, რომ მეორე ბუნდესლიგისკენ სწრაფი და მყარი ნაბიჯებით მიექანება.

„ჰანოვერი“ – „გლადბახი“ 0:1 (0:0)

გოლი: 0:1 რაფაელი (53)

„ლაიფციგი“ – „ვოლფსბურგი“ 2:0 (2:0)

გოლები: 1:0 კამპლი (16), 2:0 ვერნერი (28)

„შტუტგარტი“ – „ლევერკუზენი“ 0:1 (0:0)

გოლი: 0:1 ჰავერცი (64, პენ)

„ვერდერი“ – „ფრაიბურგი“ 2:1 (0:0)

გოლები: 1:0 კლაასენი (76), 2:0 გებრე სელასიე (84), 2:1 ვალდშმიდტი (90)

„დორტმუნდი“ – „მაინცი“ 2:1 (2:0)

გოლები: 1:0 სანჩო (17), 2:0 სანჩო (24), 2:1 ქუაისონი (83)