ქართველი ჩოგბურთელი მარიამ ბოლქვაძე პორტუგალიურ ობიდოსში მიმდინარე საერთაშორისო ტურნირის (საპრიზო ფონდი 25 ათასი დოლარი) ფინალში გავიდა და დღეს, ტიტულის მოსაპოვებლად იბრძოლებს.
გუშინ გამართულ ნახევარფინალურ მატჩში მე-5 ნომრად განთესილი ბოლქვაძე თანამემამულე სოფო შაფათავას გაეჯიბრა და დამაჯერებელი გამარჯვება იზეიმა - 6:2, 6:2.
გადამწყვეტ შეხვედრაში მარიამის მეტოქე ესპანელი ნურია პარიზას-დიაზი იქნება, რომელმაც ნახევარფინალში თანამემამულე ევა გერერო ალვარეზს 6:2, 6:3 მოუგო.
ხვალვე, ბოლქვაძე წყვილთა შორის ტიტულისთვისაც იბრძოლებს. მან და სლოვანიელმა ნასტია კოლარმა ბულგარელი ნაიდენოვა და უკრაინელი შოშინა 6:1, 6:2 დაამარცხეს და ფინალში სოფო შაფათავასა და ბრიტანელ ემილი ვებლი-სმითს გაეჯიბრებიან. მათ ბულგარელ ტოპალოვასა და ლატვიელ ვისმანეს 6:3, 6:1 მოუგეს.
