სხვა

22:20 | 7.04.2019 | ნანახია [] - ჯერ

მიშველიძის მცირე ოქრო ევროპის ჩემპიონატზე!

ქართველი ძალოსანი შოთა მიშველიძე ბათუმში მიმდინარე ევროპის 2019 წლის ჩემპიონატზე მცირე ოქროს მედლის მფლობელი გახდა. მიშველიძემ ტრავმის მიუხედავად აკვრაში 156 კგ. დასძლია, რაც პირველი მაჩვენებელი აღმოჩნდა.

სამწუხაროდ, აღნიშნული საკმარისი არ აღმოჩნდა ჯამური მედლის მოსაპოვებლად, რადგანაც შოთამ ატაცში მხოლოდ პირველის მისვლა (125 კგ.) გამოიყენა, მე-4 გახლდათ და საბოლოოდაც მე-4 საფეხური დაიკავა.
61 კგ-მდე წონით კატეგორიაში ძალები კიდევ ერთმა ქართველმა რამინ შამილიშვილმა სცადა და მე-5 პოზიცია დაიკავა. შამილიშვილი ატაცში 124 კგ-ით მე-5 იყო, ხოლო აკვრაში 152 კგ-ით მე-5 ადგილი დაიკავა.
აღნიშნულ წონაში ოქროს მედალი ბელარუსმა გენადი ლაპცეუმ (286 კგ.) დაიკავა, ვერცხლი და ბრინჯაო კი თურქებს – ბუნიამი სეზერსა (283 კგ.) და ფერდი ჰარდალს (282 კგ.) ერგოთ.
8 აპრილს მედლები 67 კგ-მდე წონით კატეგორიაში გათამაშდება, საქართველოს ღირსებას კი გოგა ჩხეიძე დაიცავს. ასპარეზობა 20:30 საათზე დაიწყება.

0.13764