ფეხბურთი

15:26 | 7.04.2019 | ნანახია [] - ჯერ

პსჟ ზაფხულში ალანის გადაბირებას შეეცდება

"პარი სენ ჟერმენი" 2019 წლის ზაფხულის სატრანსფერო პერიოდში "ნაპოლის" ცენტრალური ნახევარმცველის ალანის დამატებას შეეცდება. როგორც Gazzetta dello Sport-ი იუწყება, პარიზული გრანდი ფეხბურთელის სანაცვლოდ მზადაა 70 მილიონ ევრომდე გადაიხადოს.

იტალიური გამოცემა ასევე იუწყება, რომ პსჟ იტალიის ეროვნული ნაკრების ფეხბურთელს წელიწადში 8 მილიონ ევროს შესთავაზებს, რაც ტრანსფერის განხორციელებას ხელს შეუწყობს. ალანი ამჟამად ნეაპოლურ კლუბში 2 მილიონ ევროს იღებს.

ალანი "ნაპოლიმ" "უდინეზედან" 2015 წელს დაიმატა. მიმდინარე სეზონში ნახევარმცველმა 39 მატჩი ჩაატარა და სამი საგოლე გადაცემა შეასრულა. ასევე, ალანმა "სკუადრა აძურას" მაისურით ევროპის ჩემპიონატის შესარჩევ მატჩებშიც მიიღო მონაწილეობა.

Loading...
სტატისტიკა
0.260649