მადრიდის „რეალის“ ხელმძღვანელობას, ფრანგი მცველის, რაფაელ ვარანის შენარჩუნება სურს - გვამცნობს AS.
გამოცემის ინფორმაციით, „სამეფო კლუბში“ 25 წლის ფეხბურთელთან ახალი კონტრაქტის გაფორმებაზე ფიქრობენ, რომელიც წელიწადში 9 მილიონ ევრომდე გაიზრდება.
მიმდინარე სეზონში ვარანმა „რეალში“ 36 მატჩი ითამაშა და 2 გოლი გაიტანა. ახლანდელი მისი კონტრაქტი „რეალთან“ 2022 წლამდეა გათვლილი და ჯამაგირი წელიწადში 6 მილიონი ევროა.
„რეალში“ ის 2011 წელს გადავიდა „ლანსიდან.“ ტრანსფერი მადრიდელებს 10 მილიონი ევრო დაუჯდათ.
ვარანით პსჟ, „იუვენტუსი“ და „მანჩესტერ იუნაიტედი“ ყოფილან დაინტერესებული.
