ფეხბურთი

0:59 | 5.04.2019 | ნანახია [] - ჯერ

"ატალანტამ" ისტორია დაწერა და სერია A-ში 87-წლიანი რეკორდი დაამხო

ბერგამოს „ატალანტამ“ იტალიის სერია A-ს XXX ტურის დასკვნით მატჩში „ბოლონია“ 4:1 დაამარცხა და რეკორდიც დაამყარა. ჯამპიერო გასპერინის გუნდმა ოთხივე გოლი მატჩის საწყის 15 წუთში გაიტანა. იოსიპ ილიჩიჩმა დუბლი გაიფორმა, თითოც ჰანს ჰატებურმა და დუვან ძაპატამ გაიტანეს და 87-წლიანი ხელუხლებელი რეკორდი დაამხეს...

დიახ, ბოლოს სერია A-ს კალენდარული მატჩის საწყის 15 წუთში 4 გოლი ტურინის „იუვენტუსს“ ჰქონდა გატანილი „რომას“ კარში 1932 წელს, როდესაც „ბიანკონერიმ“ „ჯალოროსი“ 7:1 გაანადგურა. ახლა კი, ლამის საუკუნის შემდეგ იმავე შედეგით თავის მოწონება ბერგამოს „ატალანტას“ შეუძლია.

„ატალანტა“ დიდი ხნის განმავლობაში მოხეტიალე გუნდის სტატუსით სარგებლობდა, ხან სერია A-ში იყო, ხანაც სერია B-ში. ჯამპიერო გასპერინის ხელში კი ყველაფერი შეიცვალა. „ლა დეა“ ევროსაგზურებისთვის სტაბილურად იბრძვის და ბოლო ორი სეზონი ევროპა ლიგაზეც გააღწია.

ახლა ბერგამოელებს მადა ჭამაში მოუვიდათ და ჩემპიონთა ლიგაზე მოსახვედრად იბრძვიან. დიდებული შანსიც აქვთ, რადგან სეზონის დასრულებამდე 8 ტურით ადრე მეხუთე პოზიციაზე არიან და ოთხეულში მყოფ „მილანთან“ ჩამორჩენა კინკილა ქულაა.

Loading...
სტატისტიკა
0.240215