ფეხბურთი

21:12 | 4.04.2019 | ნანახია [] - ჯერ

"ბილბაომ" მთავარ მწვრთნელს კონტრაქტი გაუხანგრძლივა

"ბილბაოს" ხელმძღვანელობამ კლუბის მთავარ მწვრთნელს გაისკა გარიტანოს კონტრაქტი 2020 წლის ივლისამდე გაუხანგრძლივა. აღნიშნული ინფორმაცია "ატლეტიკის" ოფიციალურმა ვებგვერდმა გაავრცელა.

კლუბის მესვეურებმა აღნიშნული გადაწყვეტილება მას შემდეგ მიიღეს, რაც ესპანელმა სპეციალისტმა პირველი გუნდი ლა ლიგის გასავარდნ ზონას დააშორა. გაისკამ ედუარდო ბერიცო გასული წლის დეკემბრის დასაწყისში შეცვალა და მისმა გაწვრთნილმა გუნდმა 19 მატჩში 11 მოიგო, 5 ფრედ დაასრულა და 3 წააგო.

ამჟამად "ბილბაო" ესპანეთის ჩემპიონატის სატურნირო ცხრილში მერვე ადგილზე 43 ქულით იმყოფება და ჩემპიონთა ლიგის ზონაში მყოფ, მეოთხეადგილოსან ხეტაფეს ოთხი ქულით ჩამორჩება.

Loading...
სტატისტიკა
0.259634