ხელბურთის უმაღლესი ლიგის ბოლოსწინა ტურში ბათუმის შავი ზღვის ბიჭებმა 55-38 დაამარცხეს სპორტის უნივერსიტეტი. ქუთაისმა მოუგო გორს 67-24, თელავის იმედმა - სამტრედიას 33-28, პეგასმა - წყალტუბოს, 40-24. ნახევარფინალური წყვილები უკვე გაირკვა: 22 მაისს ითამაშებენ BSB ბათუმი - იმედი-სტუ თელავი, პეგასი-ქუთაისი. ფინალი 23 მაისსაა.
სპორტუნი - BSB ბათუმი 38-55
ოთხივე დღევანდელ მატჩში მოწინავე კვარტეტის გუნდს მეტოქე ქვედა ოთხეულიდან ჰყავდა და ძალები უთანაბრო იყო. ბათუმმა პირველი ტაიმი 17 ბურთით, 31-14 მოუგო სპორტუნს, მეორე ნახევარი კი ფრედ, 24-24 დასრულდა. ჯამში 55-38, ხოლო ორივე გუნდის მთავარი ბომბარდირების მონაგარი ორნიშნა რიცხვებით გამოისახა: ბათუმში 16 გოლი გაიტანა მარჯვენა ინსაიდმა გიორგი ტიელიძემ, ხოლო სპორტუნის გამთამაშებლის, მეთოდე ჭელიძის ანგარიშზე 13 ბურთია.
ქუთაისი - გორი 67-24
გორმა მთელი ენერგია სამტრედიასთან გუშინდელ მოგებას შეალია, უძლიერესი შემადგენლობაც ვერ შეკრიბა და ამ ჩემპიონატისთვის სარეკორდო, 67 გოლიც გაუშვა ქუთაისისგან - 24-67. გამარჯვებულთაგან 12-12 გოლი გაიტანეს მარცხენა გარემარბმა ჯემალ იმნაძემ და მარჯვენა ინსაიდმა ლუკა ბულბულაშვილმა. ქუთაისელებს ხვალ პრინციპული მატჩი აქვთ პეგასთან, რომლის შემდეგაც გაირკვევა, ვინ დაასრულებს სამწრიან ტურნირს მეორე ადგილზე.
სამტრედია - იმედი-სტუ თელავი 28-33
ყველაზე დაძაბული ბრძოლა ამ მატჩში იყო. იმედი 17-11 დაწინაურდა 25-ე წუთისთვის, მაგრამ სამტრედიამ ბოლომდე იბრძოლა და მეორე ტაიმში სამჯერ შეამცირა სხვაობა სამამდე - ბოლოს 55-ე წუთზე - 25-28. თელავის იმედში 14 გოლი გაიტანა დავით ყორიაულმა და მისმა გუნდმა საბოლოოდ 33-28 მოიგო, სამტრედიაში ყველაზე შედეგიანი იყო ნიკოლოზ ძნელაძე - 8 გოლი.
პეგასი - წყალტუბო 40-24
პეგასმა თავიდანვე მოისტუმრა საქმე და პირველი ტაიმი 23-8 მოიგო, რის შემდეგაც მწვრთნელებმა მეორე შემადგენლობას მისცეს თამაშის საშუალება. საბოლოოდ თბილისელებმა 40-24 მოიგეს, 9 გოლი გაიტანა მარცხენა ინსაიდმა გიორგი კუხალაშვილმა, ხოლო წყალტუბოს პრომეთეში ყველაზე შედეგიანი იყო გიორგი ხელაძე, 10 გოლი.
ხვალ თბილისის სპორტის სასახლეში რეგულარული სეზონის ბოლო 4 მატჩია. ქუთაისი და პეგასი ერთმანეთში გაარკვევენ, ვინ დაასრულებს ტურნირს მეორე ადგილზე. გასარკვევია აგრეთვე მეშვიდე-მერვე ადგილების განაწილება წყალტუბოსა და სამტრედიის გუნდებს შორის.
ყველა მატჩის პირდაპირი რეპორტაჟი და ჩანაწერი შეგიძლიათ იხილოთ აქ:
https://www.youtube.com/channel/UCc7vs-kXPE7R5SezSGa9cUA
ხელბურთი. საქართველოს ჩემპიონატი 2018-19. კაცები. უმაღლესი ლიგა
მესამე წრე, საერთო ტური. თბილისის სპორტის სასახლე. 3 აპრილი
სტატისტიკა: დარტყმა/გოლი/დაკარგული ბურთი
(მეკარეებისთვის: დარტყმა/მოგერიება/უზუსტო პასი)
სპორტუნი - BSB ბათუმი 38-55
სპ: ხარაიშვილი 64/14/1, კუპატაძე 5/0 - ჭელიძე 22/13/2, ზურაბიანი 9/8/5, ჩაკვეტაძე 9/6/3, ერისთავი 10/4/2, თიგიშვილი 12/3/3, ცხვარაშვილი 8/3/3, ჩიკვილაძე 4/1, გურასპაული 2/0, დელიბაშვილი 1/0
ბათ: ხანდოლიშვილი 37/19/1, ვარშალომიძე 32/12, ტორონჯაძე - ტიელიძე 24/16/3, კოხრეიძე 8/8/2, გოგოლაძე 12/8/2, ტალახაძე 10/6/4, მჟავანაძე 7/6/1, აბრამიშვილი 8/5, სურმავა 7/3/2, თევზაძე 4/3, სტოლბოვი 3/0/2, წივწივაძე
მსაჯები: ვ. როჟკოვი - ა. ნოვიკოვი (უკრ)
ქუთაისი - გორი 67-24
ქუთ: გულეიშვილი 50/27/2, მაისურაძე 11/10 - ბულბულაშვილი 14/12/1, ჯ. იმნაძე 12/12, ხაჟომია 12/10, ლომიძე 7/7/1, მერკვილაძე 6/6/1, ჯუღელი 8/6/2, რუსტამოვი 7/5, კობახიძე 5/4/3, ლ. იმნაძე 3/3/1, ფერაძე 3/2, სტურუა
გორ: ბ. ნიაზაშვილი 71/4 - მჭედლიშვილი 21/9/4, ახალბედაშვილი 17/6/6, ზუბიაშვილი 18/4/5, ზოზიაშვილი 7/4, ბერუაშვილი 5/1, ხუბულური 3/0/2, ბეთლემიშვილი
მსაჯები: ვ. როჟკოვი - ა. ნოვიკოვი (უკრ)
სამტრედია - იმედი-სტუ თელავი 28-33
სამ: ფახურიძე 25/7/1, შველიძე 19/4 - ძნელაძე 16/8/5, ხომერიკი 11/5/5, დიდია 4/4/1, ქავზინაძე 4/4, ხელისუფალი 6/3/1, ადამია 4/2/2, ნადირაძე 4/2/2, თევზაძე 2/0/1, აფრიდონიძე 2/0/2
თელ: ცინცაძე 23/9/1, ხიდეშელი 20/6 - ყორიაული 23/14/1, კორსანტია 6/5/3, ბაინაზიშვილი 7/5/4, გოგალაძე 4/4/2, დანელიშვილი 4/3, გავაშელიშვილი 3/1/2, იობაშვილი 5/1, ბერაძე 0/0/2
მსაჯები: თ. კევლიშვილი - ნ. კევლიშვილი
პეგასი - წყალტუბო 40-24
პეგ: დიხამინჯია 13/4, გორგოძიანი 8/5, დგებუაძე 14/2 - კუხალაშვილი 11/9/2, კოხრეიძე 6/6/1, ბაძაღუა 6/5/1, ჟვანია 8/4/1, კალანდაძე 4/3/1, გვაზავა 5/3/6, შუბითიძე 3/3/2, პატაშური 8/3/3, ზარნაძე 3/2/2, კობაძიძე 1/1, ჭანტურია 1/1
წყ: სილაგაძე 48/8/2 - ხელაძე 16/10/8, გველესიანი 8/6/5, ნ. ბაბუნაშვილი 5/4/3, კოვზირიძე 2/2/1, რ. ბაბუნაშვილი 1/1/3, ქაშიბაძე 2/1, დარსაველიძე 2/0/9, მუკბანიანი 1/0/2, აფხაძე 2/0
მსაჯები: გ. გველესიანი - თ. კევლიშვილი
დელეგატები: ლ. გელაშვილი, მ. ჩიხლაძე, ვ. ბერიაშვილი
------------------თ---მ---ფ---წ--------ბ-----ქ
BSB ბათუმი---20--18---0---2---865-574--36
პეგასი----------20--17---0---3---801-585--34
ქუთაისი-------20--16---0---4---855-587--32
იმედი-სტუ----20--13---0---7---694-598--26
გორი-----------20---7---0---13--701-887--14
სპორტუნი-----20---4---1--15—657-866---9
წყალტუბო----20---2---1--17---493-751---5
სამტრედია----20---1---2--17---531-749---4
4 აპრილი
12:00 სამტრედია - სპორტუნი
14:00 ქუთაისი - პეგასი
16:00 წყალტუბო - გორი
18:00 BSB ბათუმი - იმედი-სტუ თელავი
ფინალური ოთხეული. 22-23 მაისი