ფეხბურთი

18:35 | 3.04.2019 | ნანახია [] - ჯერ

კრისტალბეთ ეროვნული ლიგა 2: ლიდერებმა აუტსაიდერებს აჯობეს

კრისტალბეთ ეროვნული ლიგა 2-ის მეხუთე ტური დღეს ორი მატჩით დაიწყო. გათამაშების ლიდერმა თბილისის „მერანმა“ აუტსაიდერ „გურიას“ უმასპინძლა, ხოლო „შუქურამ“ – „ზუგდიდს“.

„შუქურამ“ სეზონი კარგად დაიწყო, „ზუგდიდმა“ - ცუდად. დღევანდელი მატჩი კი მეგრელთათვის უკეთ დაიწყო და ზაქრაძის გოლით უკვე მეოთხე წუთზე დაწინაურდნენ, მაგრამ მერე აჭარულმა გუნდმა თავისი მაინც გაახერხა და თამაში შემოატრალია. შედეგად, „შუქურამ“ 10 ქულა დააგროვა და მეორე საფეხურზე იმყოფება, ხოლო „ზუგდიდი“ კინკილა ქულით ბოლოსწინა ადგილზეა.

კიდევ უფრო რთულ ვითარებაშია ლანჩხუთის „გურია“, რომელმაც ამ სეზონში ერთი თამაში მოიგო, მაგრამ ვინაიდან 3 ქულა დაკლებული აქვს, უქულოდ ბოლო პოზიციაზეა დალექილი. გურულებმა ვერც ერტპიროვნულ ლიდერ თბილისის „მერანთან“ მოახერხეს დადებითი შედეგის ჩვენება - 1:3. უგოლო ტაიმის შემდეგ „გურია“ ბექა ტუღუშმა დააწინაურა, მაგრამ მასპინძლებმა რვა წუთიან ინტერვალში სამი გოლი გაიტანეს და მორიგი სამი ქულა მოიპოვეს. „მერანს“ 12 ქულა დაუგროვდა და პირველ პოზიციას ერთპიროვნულად იმყოფება.

მეხუთე ტურის დანარჩენი სამი მატჩი ხვალ გაიმართება: „გაგრა“ – „შევარდენი 1906“, „კოლხეთი“ – „თელავი“ და „სამტრედია“ – „ცხინვალი“.

„შუქურა“ – „ზუგდიდი“ 2:1 (1:1)

გოლები: 0:1 ზაქრაძე (4), 1:1 გოგიტიძე (25), 2:1 ჩელებაძე (61, პენ)

„მერანი“ (თბ) – „გურია“ 3:1 (0:0)

გოლები: 0:1 ტუღუში (50), 1:1 ბოლქვაძე (57), 2:1 ჩუკვურა (63), 3:1 ნიქაბაძე (65)

სტატისტიკა
0.246101