ფეხბურთი

1:23 | 1.04.2019 | ნანახია [] - ჯერ

ორი ზიდანი

ზიდანის ხელმძღვანელობით “რეალმა“ ზედიზედ მეორე თამაში მოიგო. ბოლოადგილოსან „უესკასთან“ „სამეფო კლუბს“ თითქოს პრობლემა არ უნდა შექმნოდა, მაგრამ გაუჭირდა და გამარჯვების გოლი მხოლოდ ბოლოსწინა წუთზე გაუტანა.

კიდევ, დაანონსებული სცენარი ზიდანმა თავიდანვე თავდაყირა დააყენა, როცა სასტარტოში მისი შვილი, ლუკა, ნაჩო, ლიორინტე, სებალიოსი და დიასი გამოჩდნენ. ყველაფერთან ერთად, არაგონელებმა უკვე მე-3 წუთზე გახსნეს ანგარიში. თავი კუჩო ერნანდესმა გამოიჩინა. „რეალი“ თავიდანვე ვერ გადაეწყო, მაგრამ სადღაც ტაიმის შუისთვის, დალაგდა და ისკომ გაათანაბრა. ეს მისი მეორე გოლია ზიდანის დაბრუნების შემდეგ. ფრანგი სპეციალისტის შემხედვარე მოყოჩაღდა დანიელ სებალიოსიც. სწორედ მან დააწინაურა მასპინძლები 62-ე წუთზე. ამ გოლს წინ ისკო-ბეილ-ბენზემას გააზრებული კომბინაცია უძღვოდა.

თუმცა დამთავრებამდე 15 წუთით ადრე, კერკეტმა „უესკამ“ ისევ გაათანაბრა. ხაბიერ ეხეიტამ ლუკა ზიდანს ახლო კუთხეში გაუტანა.

„სამეფო კლუბს“ მშველელად ისევ კარიმ ბენზემა მოევლინა. ფრანგმა ბოლოსწინა წუთზე, შორეულ კუთხეში ჩაუსვა ბურთი მეკარე რობერტო სანტამარიას.

თამაშის შემდეგ ზიდანმა ლუკას შესახებ თქვა: „სანაკრებო მატჩებიდან ზოგიერთი მოთამაშე დაღლილი დაბრუნდა. კურტუა მზად არ იყო, კეილორ ნავასსაც სჭირდებოდა დასვენება. ამიტომ კარში მესამე მეკარე - ლუკა დავაყენეთ.“

„რეალმა“ 57 ქულა მოაგროვა და კვლავ მესამე ადგილზე დგას. 69 პუნქტით კი ლიდერი ისევ „ბარსელონაა.“

ესპანეთი

პრიმერა. 29-ე ტური. 31 მარტი

რეალი - უესკა 3:2

მადრიდი. „სანტიაგო ბერნაბეუ.“ 49 269

0:1 ერნანდესი (3), 1:1 ისკო (25), 2:1 სებალიოსი (62), 2:2 ეხეიტა (74), 3:2 ბენზემა (89)

რეალი: ლუკა ზიდანი, რამოსი, ნაჩო, მარსელო, ოდრიოსოლა, ლიორენტე (მარიანო დიასი 79), ბრაჰიმ დიასი (ვასკესი 64), სებალიოსი, ისკო (ვალვერდე 75), ბეილი, ბენზემა

მწვრთნელი: ზინედინ ზიდანი

უესკა: სანტამარია, გალანი, პულიდო, მანტოვანი, ეხეიტა, ერერა, რივერა (ანორი 78), გომესი, მუსტო, ერნანდესი (გალიარი 82), ავილა (კალიეხო 63)

მწვრთნელი: ფრანსისკო როდრიგესი

მსაჯი: ხავიერ ესტრადა ფერნანდესი

გაფრთხილება: ნაჩო (66); პულიდო (48), მუსტო (51)

რაიო ვალეკანო - ბეტისი 1:1

1:0 დე ტომასი (34), 1:1ტელიო (81)

გაძევება: დი სანტო (რაიო ვალეკანო, 90+5, მოედნის გარეთ)

ლევანტე - ეიბარი 2:2

1:0 მორალესი (5), 1:1 ესკალანტე (19), 2:1 როჩინა (26), 2:2 ენრიხი (78)

სევილია - ვალენსია 0:1

0:1 პარეხო (45+1, პენ)

ვალიადოლიდი - სოსიედადი 1:1

1:0 კეკო (9), 1:1 ოიარსაბალი (79)

სტატისტიკა
0.282249