ფეხბურთი

18:20 | 30.03.2019 | ნანახია [] - ჯერ

პოგბას "რეალში" გადასვლა უნდა

„მანჩესტერ იუნაიტედის“ ნახევარმცველ პოლ პოგბას ზაფხულში მადრიდის „რეალში“ გადასვლა უნდა. ესპანური Marca-ს ცნობით, ფეხბურთელის აგენტ მინო რაიოლასა და მადრიდული გრანდის წარმომადგენლებს შორის პირველი შეხვედრა უკვე შედგა.

პოგბას მტკიცედ აქვს გადაწყვეტილი, რომ კარიერა „სანტიაგო ბერნაბეუზე“ გააგრძელოს და მისი პრიორიტეტი ზინედინ ზიდანთან მუშაობაა. თავის მხრივ, „რეალი“ შესაძლოა ტონი კროოსმა დატოვოს და ფრანგი მისი იდეალური შემცვლელი შესაძლოა გამოდგეს კიდეც.

პოლს „მანჩესტერთან“ კონტრაქტი 2021 წლამდე აკავშირებს და სეზონში 14 მილიონ ევროს გამოიმუშავებს. 26 წლის ფეხბურთელის სატრანსფერო ღირებულება კი 100 მილიონ ევროს აჭარბებს.

შეგახსენებთ, რომ პოგბა „მანჩესტერს“ 2016 წელს ტურინის „იუვენტუსიდან“ შეუერთდა და „წითელი ეშმაკების“ გამორჩეული ფიგურაა.

Loading...
სტატისტიკა
0.227884