ფეხბურთი

11:52 | 28.03.2019 | ნანახია [] - ჯერ

სანეს „სიტიში“ ხელფასი გაუორმაგდება

გერმანელმა ნახევარმცველმა, ლეროი სანემ, თითქმის უკვე შეათანხმა ახალი კონტრაქტის პირობები „მანჩესტერ სიტისთან.“ ამ ხელშეკრულების მიხედვით, სანეს ხელფასი გაუორმაგდება და 180 ათასი გირვანქა გაუხდება კვირაში - გვამცნობს Mirror.

გამოცემის ინფორმაციით, ახალი კონტრაქტის შესახებ, ოფიციალურად „სიტი“ სეზონის ბოლომდე გამოაცხადებს. კონტრაქტი 2024 წლამდე იქნება გათვლილი.

მედიაში უკვე გასული ზაფხულიდან ვრცელდებოდა ამბავი, სანე და „სიტის“ ხელმძღვანელობა მალე მოლაპარაკების მაგიდას მიუჯდებიანო, მაგრამ შემდეგ ამ საკითხზე საუბრები შეწყდა. ამბობენ, მოლაპარაკების ჩაშლის მთავარი მიზეზი ფეხბურთელის დედა, რეგინა ვებერიაო. სხვათა შორის, 1984 წლის ოლიმპიადის ბრინჯაოს პრიზიორი მხატვრულ ტანვარჯიშში.

სანე „სიტიში“ 2016 წელს გადავიდა „შალკედან.“ მისი ამჟამინდელი კონტრაქტი „ქალაქელებთან“ 2021 წლის ზაფხულამდეა გათვლილი.

Loading...
0.16044