ფეხბურთი

11:18 | 28.03.2019 | ნანახია [] - ჯერ

პსჟ მზადაა მბაპეს წელიწადში 40 მილიონი გადაუხადოს

„პარი სენ-ჟერმენს“ მტკიცედ აქვს გადაწყვეტილი ფრანგი შემტევი, კილიან მბაპე გუნდში შეინარჩუნოს - წერს El Mundo.

წყაროს ცნობით, პარიზული კლუბი მზადაა თავდამსხმელს წელიწადში ჯამაგირად 40 მილიონი ევრო გადაუხადოს, რათა მან მადრიდის „რეალში“ გადასვლაზე უარი თქვას. ასეთი ხელფასი დღეს მხოლოდ „ბარსელონას“ გენიოსს, ლეო მესის აქვს.

გარდა ამისა, პსჟ აპირებს მეორე ლიდერთან, ნეიმართან ახალი კონტრაქტის გაფორმებას, გაუმჯობესებული პირობებით.

ბოლო დროს უკვე ბევრს საუბრობენ მბაპეს „რეალში“ შესაძლო გადასვლაზე. სატრანსფერო თანხასაც ასახელებენ - 280 მილიონი ევრო. იმასაც ამბობენ, თითქოს მბაპე უკვე ესაუბრა თანამემამულე მწვრთნელ ზინედინ ზიდანს და მადრიდში გადასვლის სიტყვიერი დასტურიც მისცაო.

Loading...
0.149327