საქართველოს გოგონათა ჩემპიონატზე ხელბურთში, ორივე ლიდერმა მძიმე გამარჯვება მოიპოვა. ფოთის ოქროს ვერძმა 17-13 აჯობა თბილისის ქარიშხალას, ხოლო აჭარამ 19-15 მოუგო ყვარელს.
ორივე გუნდი მძიმე სიტუაციიდან გამოვიდა: აჭარა მეორე ტაიმის დასაწყისში ყვარელთან 9-14 აგებდა, თუმცა, დასკვნითი მონაკვეთი 10-1 მოუგო. თითქმის ანალოგიური სიტუაცია იყო მეორე მატჩშიც: ქარიშხალა 8-5 ლიდერობდა, თუმცა, ბოლო 15 წუთი ფოთმა, საქართველოს ნაკრების წევრის, ჯგერენაიას ლიდერობით, ბევრად უკეთ ჩაატარა: 12-5, ამავე მონაკვეთში კი ქარიშხალამ ზედიზედ 3 შვიდმეტრიანი ვერ გამოიყენა და 13-17 დამარცხდა.
სულ, ჩემპიონატში გუნდები 24-24 მატჩს გამართავენ, მაგრამ უკვე ცხადია, რომ ჩემპიონობისთვის ფოთი და აჭარა იბრძოლებენ, ხოლო ბრინჯაოს მედლებისთვის ქარიშხალას, სამტრედიასა და ყვარელს ექნებათ მძაფრი კონკურენცია.
დღესვე პირველი გამარჯვება მიპოვა თბილისის მამულმა, რომელმაც 15-10 მოუგო ბათუმს, ყვარელმა დაამარცხა წყალტუბო (30-14), რომელმაც წააგო თბილისის პეგასთანაც, 11-17.
სპორტკომპლექს არენაში 26 და 27 მარტს კიდევ 6 მატჩია. 7 აპრილს დასავლეთის გუნდები სენაკში ითამაშებენ, ჩემპიონატს კი 4-8 მაისს, თბილისში, დაასრულებს მესამე წრის საერთო, დასკვნითი ტური.
ხელბურთი. საქართველოს ჩემპიონატი 2018-19, გოგონები, 17 წლამდე
აღმოსავლეთ-დასავლეთის საერთო ტური. 23-27 მარტი, არენა 2
25 მარტი
აჭარა - ყვარელი 19-15
პეგასი - წყალტუბო 17-11
ქარიშხალა - ფოთი 13-17
წყალტუბო - ყვარელი 14-30
მამული - ბათუმი 15-10
მსაჯები: თ. კევლიშვილი - ნ. კევლიშვილი, ი. ჭკუასელი - გ. გველესიანი
----------------თ---მ---ფ---წ-------ბ------ქ
ფოთი---------16--15---1---0--299-197--31
აჭარა----------17--15---0---2--374-243--30
ქარიშხალა---17--11---1---5--413-343--23
სამტრედია---17---9---2---6--288-245--20
ყვარელი------18---9---2---7--343-305--20
პეგასი---------17---7---2---8--319-300--16
ბათუმი-------16---3---1--12--192-277---7
წყალტუბო---18---2---1--15--216-373---5
მამული-------18---1---0--17--277-438---2
26 მარტი
13:00 ყვარელი - ბათუმი
14:00 პეგასი - აჭარა
15:00 მამული - ფოთი
16:00 სამტრედია - ქარიშხალა
27 მარტი
11:00 ბათუმი - ქარიშხალა
12:00 პეგასი - ფოთი
დასავლეთის ტური. 7 აპრილი სენაკი
საერთო ტური. 4-8 მაისი, თბილისი