ფეხბურთი

17:58 | 24.03.2019 | ნანახია [] - ჯერ

ირლანდია - საქართველოს ჰოლანდიელი იმსაჯებს

ევროპის 2020 წლის ჩემპიონატის შესარჩევი ციკლის მეორე ტურის მატჩს ირლანდიასა და საქართველოს ნაკრებებს შორის ჰოლანდიელ მსაჯთა ბრიგადა მოემსახურება.

როგორც უეფას ვებგვერდი წერს, მთავარი არბიტრი სერდარ გიოზუბუიუკი იქნება, რომელსაც თურქული ფესვები აქვს. მას ასისტენტობას ჩარლს შააპი და იან დე ვრიესი გაუწევენ. მეოთხე მსაჯის ფუნქციებს კი დენის ჰიგლერი შეასრულებს.

რაც შეეხება სერდარ გიოზუბუიუკს, 33 წლის ჰოლანდიელს არც საქართველოსა და არც ირლანდიის ნაკრებთა მატჩი აქამდე არ უმსაჯია. თუმცა, საერთაშრისო დონეზე უკვე 2016 წლიდან მსაჯობს. ბოლოს, ერედივიზიონის ტური ცენტრალურ მატჩს გაუძღვა, 17 მარტს, „ალკმაარსა“ და „აიაქსს“ შორის.

შეგახსენებთ, ირლანდიისა და საქართველოს ნაკრებთა მატჩი დუბლინში, „ავივა სთედიუმზე“ 26 მარტს, თბილისის დროით 23:45 საათზე დაიწყება.

Loading...
0.112435