სხვა

20:32 | 22.03.2019 | ნანახია [] - ჯერ

ჭაბუკ ძალოსანთა საქართველოს ჩემპიონატი ბათუმში

დღეიდან, ბათუმში სტარტი აიღო 17 წლამდე ჭაბუკ ძალოსანთა საქართველოს ჩემპიონატმა, რომელშიც საქართველოს 14 რაიონის 120-მდე ძალოსანი მონაწილეობს.

აღსანიშნავია, რომ ძალოსნობა საქართველოს ყველა რეგიონში დღითიდღე იკიდებს ფეხს და წლევანდელ ჩემპიონატზე, რომელსაც ბათუმი პირველად მასპინძლობს, უკვე გამოჩდნენ დედოფლისწყაროსა და ჩხოროწყუს წარმომადგენლები.
ასპარეზობაზე, რომელსაც ბათუმის ახალი სპორტის სასახლე მასპინძლობს, აჭარის ავტონომიური რესპუბლიკის მთავრობის თავმჯდომარე თორნიკე რიჟვაძე და აჭარის ავტონომიური რესპუბლიკის განათლების, კულტურისა და სპორტის მინისტრი ინგა შამილიშვილი იმყოფებოდნენ.

სტუმრები ჩემპიონატში მონაწილე ძალოსნებს მიესალმნენ და წარმატება უსურვეს, სპორტსმენებს მიესალმა ძალოსნობის ეროვნული ფედერაციის ვიცე-პრეზიდენტი ნოდარ სირბილაშვილიც. თორნიკე რიჟვაძე და ინგა შამილიშილი ძალოსნობის ეროვნული ნაკრების წევრებსაც შეხვდნენ და მოახლოებულ ევროპის ჩემპიონატზე, რომელსაც ბათუმი 6-13 აპრილს უმასპინძლებს წარმატება უსურვეს.
მოგეხსენებათ, რომ ბათუმი ევროპის 2019 წლის სპორტულ ქალაქად დასახელდა და სწორედ ძალოსნობა არის სპორტის ის სახეობა, რომელიც რომელიც აღნიშნულ ქალაქში ჩემპიონატებს დაიწყებს. 17 წლამდელთა საქართველოს ჩემპიონატის შემდეგ, ბათუმის სპორტის სასახლე ევროპის ჩემპიონატს უმასპინძლებს, რომელზეც ტოკიოს 2020 წლის ოლიმპიური სალიცენზიო ქულებიც გათამაშდება.

17 წლამდე ჭაბუკ ძალოსანთა საქართველოს ჩემპიონატზე პირველი პრიზიორები 49 კგ-მდე წონით კატეგორიაში გამოვლინდნენ:
1. ზურაბ მსხალაძე (აჭარა) - 66, 78, 144 კგ.
2. არჩილ ოქროპირიძე (თბილისი) - 58, 76, 134 კგ.
3. გოგა ჯაჯვანი (ზუგდიდი ო. ცენტრი) - 57, 70, 127 კგ.

55 კგ.
1. იმედა შავაძე (აჭარა) - 73, 90, 163
2. საბა აბაშიძე (აჭარა ო.ც) - 72, 90, 162
3. გოგიტა შარაშიძე (აჭარა II) - 70, 80, 150

61 კგ.

1. გიორგი ხარაზიშვილი (ხაშური ო.ცენტრი) - 93, 107, 200
2. გიორგი ახალაძე (ქუთაისი) - 87, 100, 187
3. ზურა შამილიშილი (აჭარა) - 81, 96, 177

ხვალ ჩემპიონატი 67, 73 და 81 კილოგრამამდე წონით კატეგორიებში გაიმართება.

საქართველოს ძალოსნობის ეროვნული ფედერაციის პრესსამსახური

თეგებიძალოსნობა
0.123073