ფეხბურთი

19:11 | 20.03.2019 | ნანახია [] - ჯერ

მოურინიო: "ვიცი რა მინდა და რას ველოდები"

პორტუგალიელი სპეციალისტი ჟოზე მოურინიო ზაფხულში სამწვრთნელო ასპარეზზე დაბრუნებას გეგმავს. „განსაკუთრებულის“ განცხადებით, 3-4 წინადადება ჰქონდა, თუმცა უარით გაისტუმრა, რადგან შუა სეზონიდან მუშაობა არ სურდა.

„სამწვრთნელო ასპარეზს შემდეგ ზაფხულს სიამოვნებით დავუბრუნდები. მინდა ახალ გუნდში მუშაობა და წინასასეზონი შეკრების გავლა. ამ მოტივით სამ-ოთხ გუნდს უარი უკვე ვუთხარი. ვიცი, რა მინდა და რას ველოდები, თუმცა კონკრეტულ კლუბზე არ ვფიქრობ.

ნაკრებში მუშაობა ცოტა სპეციფისკურია. მომწონს ყოველდღიური სამუშაო, ბევრი ტურნირი და თამაში. ასე, რომ მინდა მუშაობა კლუბში გავაგრძელო.

როდესაც ყოველდღე მუშაობ, როდესაც კვირაში სამი თამაშია, პრესკონფერენციები, როდესაც ანალიზს უკეთებ მატჩს, დრო პრაქტიკულად არ გრჩება. ახლა ეს დრო მაქვს და მჯერა უფრო მომზადებული დავბრუნდები“, - განაცხადა მოურინიომ.

შეგახსენებთ, რომ მოურინიო გასული წლის დეკემბერში „მანჩესტერ იუნაიტედიდან“ დაითხოვეს და მას შემდეგ უმუშევარია.

Loading...
0.163897