15 მარტიდან 17 მარტის ჩათვლით ლუქსემბურგის ქალაქ კოკელშოიერში გაიმართა საერთაშორისო ტურნირი იუნიორების, სენიორების, ნოვისებისა და შუალედური ნოვისების კატეგორიაში.
ტურნირზე საქართველოს სახელით გამოდიოდა ბათუმის სპორტულ-ახალგაზრდული ცენტრის ნორჩი მოციგურავე ეკატერინე იაზადჯი (მწვრთნელი სესილი ბარძენიშვილი), რომელმაც მის მიერ წარმოდგენილი თავისუფალი პროგრამით დამაჯერებელი გამარჯვება მოიპოვა.
იაზადჯიმ 38.05 ქულა მოაგროვა და ოც მონაწილეს შორის პირველი ადგილი დაიკავა. მეორე-მესამე პოზიციები ჰოლანდიელ და ბელგიელ გოგონებს ერგოთ.
