ფეხბურთი

22:31 | 17.03.2019 | ნანახია [] - ჯერ

"დინამო" სანაკრებო პაუზაზე კარგ ხასიათზე გავიდა

კრისტალბეთ ეროვნული ლიგის მეოთხე ტური თბილისური დერბით დასრულდა. „მიხეილ მესხის“ სათადარიგო არენაზე „ლოკომოტივმა“ „დინამოს“ უმასპინძლა.

საქართველოს ყველაზე ტიტულოვანი გუნდი ამ შეხვედრას ორმატჩიანი წაგებათა სერიით შეხვდა, ხოლო „რკინიგზელებმა“ წინა ტურში ქუთაისში, „ტორპედოს“ აჯობეს და გაცილებით ამაღლებულ განწყობაზე იყვნენ. თუმცა, მიმდინარე სეზონში საუკეთესო თამაში „დინამომ“ ჩაატარა, „ლოკომოტივმა“ - უცუდესი.

ფელის ვისენტეს გუნდმა ადვილად მოიგო, თუმცა ამაში დიდი წვლილი 37-ე წუთზე მომხდარმა ეპიზოდმა შეიტანა. ძებნიაურმა საჯარიმოში ხელით ითამაშა და პენალტი დაინიშნა. თუმცა, ამასთან ბოლო იმედის ჯარიმისთვის წითელი ბარათიც დაიმსახურა და „ლოკო“ კაცნაკლული დარჩა. ლევან კუტალიამ კი, პენალტი ზუსტად დაარტყა და ანგარიში გაიხსნა.

„დინამომ“ რიცხობრივი უპირატესობა ჩინებულად გამოიყენა და მეორე ტაიმში უპირატესობა გაცილებით სოლიდური გახადა. ჯერ ზარიამ გაიტანა, ხოლო შემდეგ მასპინძელთა კარში ხელით თამაშის გამო მეორე პენალტი დაინიშნა. ამჯერად ბურთთან ლევან შენგელია მივიდა და მანაც გაიტანა. მატჩის საბოლოო ანგარიში კი, 90-ე წუთზე ნიკა ჭანტურიას ავტოგოლის შედეგად დაფიქსირდა - 0:4.

„დინამომ“ ამ გამარჯვებით 6 ქულა დააგროვა და როგორც უკვე აღვნიშნეთ, ორმატჩიანი წარუმატებელი სერია დაასრულა. ამდენივე ქულა აქვს „ლოკომოტივსაც“.

კრისტალბეთ ეროვნულ ლიგაში კი სანაკრებო პაუზის გამო ორკვირიანი პაუზა გამოცხადდა.

„ლოკომოტივი“ – „დინამო“ (თბ) 0:4 (0:1)

თბილისი, „მიხეილ მესხი 2“

„ლოკომოტივი“ (3-5-2): ბულისკერია; ძებნიაური, ჭანტურია, გურეშიძე; კირკიტაძე, გვალია (დავითაშვილი 63), შონია, არდაზიშვილი (კიკაბიძე 84), უბილავა; სიხარულიძე, ჯიქია (კობახიძე 55)

მწვრთნელი: ლაშა ჭაღიაშვილი

„დინამო“ (4-4-2): პერალესი; რუხაია, მეჯუბი, მონხილი, იაშვილი; შულაია (კარბია 50), პაპავა, ივანისენია, შენგელია (როხანი 80); ზარია (ქარდავა 68), კუტალია

მწვრთნელი: ფელის ვისენტე

გოლები: 0:1 კუტალია (38, პენ), 0:2 ზარია (58), 0:3 შენგელია (79, პენ), 0:4 ჭანტურია (90, ა.გ)

გაფრთხილება: არდაზიშვილი (28), გვალია (38), ჭანტურია (75) - შენგელია (44), ივანისენია (75), როხანო (85)

გაძევება: ძებნიაური (37)

მსაჯი: ჯენერი ხორავა

სტატისტიკა
0.360447