ამსტერდამის „აიაქსის“ სპორტული დირექტორი, მარკ ოვერმარსი ჟურნალისტებს მადრიდის „რეალთან“ ჩემპიონთა ლიგის საპასუხო მერვედფინალური მატჩის შესახებ ესაუბრა.
„ცხადია, ყველაფერს გავაკეთებთ მოსაგებად, მაგრამ პირველი შეხვედრის ანგარიში გვიშლის ხელს (ამსტერდამში „აიაქსმა“ „რეალთან“ 1:2 წააგო). ვფიქრობ, ჩვენი მეოთხედფინალში გასვლის შანსი 20 პროცენტია.
ძალიან რთული მატჩი იქნება. ყველამ იცის რაოდენ მნიშვნელოვანია ახლა „რეალისთვის“ ჩემპიონთა ლიგა. ეს ერთადერთი ტურნირია, სადაც მათ წარმატების შანსი დარჩათ.“ - ციტირებს ოვერმარსის სიტყვებს Marca.
