კატალონიის „ბარსელონას“ შესაძლოა ლუის სუარესი გამოაკლდეს. ურუგვაელ ფორვარდს ბოლო დროს მუხლი აწუხებს და ამის გამო დიდი შანსია ესპანეთის სამეფო თასის საპასუხო ნახევარფინალური მატჩი მადრიდის „რეალთან“ გაუცდეს.

ჯერჯერობით უცნობია, რამდენად სერიოზულია სუარესის დაზიანება, რომელმაც „სევილიასთან“ ბოლო შეხვედრაში გოლის გატანაც მოახერხა.

მიმდინარე სეზონში 32 წლის სამხრეთ ამერიკელმა 34 თამაში ჩაატარა, 17 გოლი გაიტანა და 8 საგოლე პასი გააკეთა.

„რეალისა“ და „ბარსელონას“ მატჩი 27 თებერვალს, „სანტიაგო ბერნაბეუზე“ გაიმართება. შეგახსენებთ, რომ პირველი შეხვედრა ფრედ, 1:1 დასრულდა.