1973 - დაიბადა შოთა არველაძე. საქართველოს საფეხბურთო ნაკრების, თბილისის “მართვესა” და “დინამოს,” “ტრაბზონსპორის,” ამსტერდამის “აიაქსის,” გლაზგოს “რეინჯერსის”, “ალკმაარისა” და “ლევანტეს” ფორვარდი. საქართველოს ხუთგზის, ჰოლანდიის ორგზის, შოტლანდიის ორგზის ჩემპიონი. საქართველოს ორგზის, ჰოლანდიის ორგზის, შოტლანდიის ორგზის თასის მფლობელი. თურქეთის თასის მფლობელი. თურქეთის ჩემპიონატის საუკეთესო ბომბარდირი (1996). შოთა არველაძემ საქართველოს ეროვნულ გუნდში ჩატარებულ 61 მატჩში, 26 გოლი გაიტანა. საქართველოს წლის სამგზის საუკეთესო ფეხბურთელი (1994, 1998, 2007). მუშაობდა “ალკმაარში” მთავარი მწვრთნელის დიკ ადვოკაატის თანაშემწედ. იყო თურქული “კაისერისპორის”, “კასიმპაშას”, "ტრაბზონსპორის", თელ-ავივის "მაკაბის" მთავარი მწვრთნელი.
მნიშვნელოვნი ფაქტები
1958 - ავსტრალიელმა მოცურავემ, ჯონ კონდრასმა ორი დღის განმავლობაში მსოფლიოს ექვსი რეკორდი დაამყარა.
1962 - უილტ ჩემბერლენმა, ეროვნული საკალათბურთო ასოციაციის მატჩში, 34 საჯარიმო ტყორცნა.
1980 - სოლტ ლეიკ სიტის ზამთრის ოლიმპიადის ჰოკეისტთა ტურნირის ფინალში, აშშ-ის ეროვნულმა გუნდმა, საბჭოთა კავშირის ნაკრებს 4:3 მოუგო.
1983 - საბჭოთა მოცურავე ვლადიმერ სალნიკოვმა 1500 მეტრზე გაცურვაში მსოფლიოს რეკორდი დაამყარა.
1984 - აშშ-ში ემიგრირებულმა ჩეხოსლოვაკიელმა ჰოკეისტებმა, ანტონ და პეტერ შჩასტნიმ, ჰოკეის ეროვნული ლიგის კლუბ “კვებეკ ნორდიკსის” შემადგენლობაში, გოლ პლუს პასის სისტემით, რვა-რვა ქულა გააკეთეს.
1987 - ბრუნო მარი-როზმა დარბაზში 200 მეტრზე სირბილში, მსოფლიოს რეკორდი დაამყარა (20.36).
1988 - ბონი ბლერმა ციგურებით 500 მეტრზე რბოლაში მსოფლიოს რეკორდი დაამყარა (39.10).
1998 - იაპონიის ქალაქ ნაგანოში საზეიმოდ დაიხურა ზამთრის მეთვრამეტე ოლიმპიური თამაშები.
2006 - ტოგოს საფეხბურთო ნაკრების მთავარ მწვრთნელად, ოტო პრისტერი დაინიშნა, რომელმაც ამ პოსტზე სტეფან კეში შეცვალა.
2006 - ბერძნული პაოკის მთავარ მწვრთნელად, რუმინელი ილიე დუმიტრესკუ დაინიშნა, რომელმაც ამ პოსტზე გიორგიოს კოსტიკოსი შეცვალა.
2006 - “ატლანტა ჰოუქსი” “დეტროიტთან” 87:97 დამარცხდა. ზაზა ფაჩულიამ 4 ქულა მოაგროვა და 7 მოხსნა განახორციელა. ამ მატჩში ქართველ ცენტრს ყელის მიდამოში შემთხვევით, რიჩარდ ჰამილტონის ხელი მოხვდა, რის გამოც სუნთქვის რიტმი აერია და გარკვეული ხნის განმავლობაში პარკეტზე იწვა. შემდეგ, ფაჩულია გასახდელში გაიყვანეს, მაგრამ მან მოედანზე დაბრუნება შეძლო.
2007 - შოთა არველაძის “ალკმაარი” უეფა-ს თასის გათამაშების მერვედფინალში გავიდა. “ალკმაარმა” თურქული “ფენერბახჩე” დაამარცხა. ქართველი ფორვარდი, რომელსაც იმ დღეს 34 წელი შეუსრულდა, შეხვედრის 89-ე წუთამდე ეხმარებოდა თავის გუნდს.
2008 - ერთჯერადი სუბსიდიის სახით 8 ქართულ საფეხბურთო კლუბს სახელმწიფომ 500 ათასი ლარი გამოუყო.
2008 - მარკო ვან ბასტენმა ამსტერდამის “აიაქსის” წინადადება მიიღო. ლეგენდარული ფორვარდი დათანხმდა, რომ ევროპის ჩემპიონატის დასრულების შემდეგ მშობლიურ კლუბს ჩაუდგებოდა სათავეში.
ამ დღეს დაიბადნენ
1884 - აბრაჰამ ატელი. ამერიკელი მოკრივე. შეყვანილია “დიდების დარბაზში”.
1891 - იან ვილსი. ამსტერდამის ოლიმპიური სტადიონის არქიტექტორ-დიზაინერი.
1896 - ედვინ ვიდე. შვედი მძლეოსანი. 10 კმ-ზე სირბილში 1924 წლის ოლიმპიადის ვერცხლის მედალოსანი.
1915 - გუს ლესნევიჩი. მძიმეწონოსან პროფესიონალ მოკრივეთა შორის მსოფლიოს ჩემპიონის ტიტულს ფლობდა. ლესნევიჩის ორთაბრძოლა 1947 წელს საუკეთესოდ აღიარეს.
1918 - ჩარლზ ო’ფინლი. ბეისბოლის ეროვნული ლიგის კლუბ “ოკლენდის” მფლობელი.
1940 - ჩეტ უოკერი. ეროვნული საკალათბურთო ასოციაციის კლუბ “ჩიკაგო ბულზის” მოთამაშე. ნბა-ის “ყველა ვარსკვლავის” მატჩის მონაწილე.
1941 - ევგენი მიშაკოვი. საბჭოთა ჰოკეისტი. მსოფლიოს ჩემპიონი.
1943 - დიკ ვან ერსდეილი. ეროვნული საკალათბურთო ასოციაციის კლუბების, “ნიუ იორკ ნიკზისა” და “ფინიქს სანზის” მოთამაშე. NBA-ის “ყველა ვარსკვლავის” მატჩის მონაწილე.
1943 - ტომ ვან ერსდეილი. ეროვნული საკალათბურთო ასოციაციის კლუბების, “დეტროიტ პისტონზის,” “ცინცინატისა” და “ფილადელფია სიქსერზის” მოთამაშე. ნბა-ის “ყველა ვარსკვლავის” მატჩის მონაწილე.
1949 - ნიკი ლაუდა. “ფორმულა-1”ის ლეგენდარული ავსტრიელი პილოტი. მსოფლიოს სამგზის ჩემპიონი (1975, 1977, 1984).
1950 - ჯულიუს ირვინგი. ყველა დროის ერთ-ერთი საუკეთესო კალათბურთელი. პროფესიონალური კარიერის განმავლობაში გაკეთებული აქვს 30026 ქულა და ამ მაჩვენებლით მხოლოდ კარიმ აბდულ ჯაბარს, უილტ ჩემბერლენს, კარლ მელოუნსა და მაიკლ ჯორდანს ჩამორჩება. ეროვნული საკალათბურთო ასოციაციის სამგზის ჩემპიონი. ოთხჯერ დაასახელეს ლიგის წლის საუკეთესო მოთამაშედ. ეროვნულ საკალათბურთო ასოციაციაში გამოდიოდა “ნიუ ჯერსი ნეთსსა” და “ფილადელფია სიქსერზში”. ჯულიუს ირვინგი შეყვანილია საკალათბურთო “დიდების დარბაზში”.
1964 - ჯიჯი ფერნანდესი. ამერიკელი ჩოგბურთელი. 1988 წელს მოგებული აქვს აშშ-ის ღია პირველობის წყვილთა ტურნირი. 1996 წლის ოლიმპიური ჩემპიონი.
1965 - პეტ ლაფონტეინი. ამერიკელი ჰოკეისტი. “ნიუ იორკ აილენდერზისა” და “ნიუ იორკ რეინჯერსის” მოთამაშე. 1984 წლის ზამთრის ოლიმპიური თამაშების მონაწილე.
1965 - კონსტანტინ კუდრიავცევი. საბჭოთა მოციგურავე. მსოფლიოს ჩემპიონი.
1969 - ბრაიან ლაუდრუპი. დანიელი ფეხბურთელი. 1992 წლის ევროპის ჩემპიონი. საკლუბო დონეზე გამოდიოდა ”ბრონდბიუში,” მიუნხენის “ბაიერნში,” ფლორენციის “ფიორენტინაში,” გლაზგოს “რეინჯერსში,” ლონდონის “ჩელსიში,” ამსტერდამის “აიაქსში”. ბრაიან ლაუდრუპი იტალიის ჩემპიონია. მან სამჯერ მოიპოვა შოტლანდიის პრემიერლიგის ჩემპიონობა, ორჯერ დანიისა. იგი ორჯერ დაასახელეს დანიის წლის საუკეთესო ფეხბურთელად.
1971 - ლიზა ფერნანდესი. ამერიკელი სოფტბოლისტი. 1996 წლის ოლიმპიური ჩემპიონი.
1972 - მაიკლ ჩანგი. კორეული წარმოშობის ამერიკელი ჩოგბურთელი. 1989 წლის აშშ-ის ღია პირველობის გამარჯვებული.
1973 - დაიბადა შოთა არველაძე. საქართველოს საფეხბურთო ნაკრების, თბილისის “მართვესა” და “დინამოს,” “ტრაბზონსპორის,” ამსტერდამის “აიაქსის,” გლაზგოს “რეინჯერსის”, “ალკმაარისა” და “ლევანტეს” ფორვარდი. საქართველოს ხუთგზის, ჰოლანდიის ორგზის, შოტლანდიის ორგზის ჩემპიონი. საქართველოს ორგზის, ჰოლანდიის ორგზის, შოტლანდიის ორგზის თასის მფლობელი. თურქეთის თასის მფლობელი. თურქეთის ჩემპიონატის საუკეთესო ბომბარდირი (1996). შოთა არველაძემ საქართველოს ეროვნულ გუნდში ჩატარებულ 61 მატჩში, 26 გოლი გაიტანა. საქართველოს წლის სამგზის საუკეთესო ფეხბურთელი (1994, 1998, 2007). მუშაობდა “ალკმაარში” მთავარი მწვრთნელის დიკ ადვოკაატის თანაშემწედ. იყო თურქული “კაისერისპორის”, “კასიმპაშას”, "ტრაბზონსპორის", თელ-ავივის "მაკაბის" მთავარი მწვრთნელი.
1973 - არჩილ არველაძე. საქართველოს საფეხბურთო ნაკრების, თბილისის “მართვესა” და “დინამოს,” “ტრაბზონსპორის,” “ბრედასა” და “კიოლნის” ფორვარდი. საქართველოს მრავალგზის ჩემპიონი და თასის მფლობელი. თურქეთის თასის ორგზის მფლობელი. საქართველოს ნაკრებში ჩატარებულ 32 მატჩში, 6 გოლი აქვს გატანილი.
1973 - ჟუნინიო პაულისტა. ბრაზილიელი ნახევარმცველი. 2002 წლის საფეხბურთო მსოფლიოს ჩემპიონატის გამარჯვებული. საკლუბო დონეზე გამოდიოდა “სან პაულუში,” “მიდლსბროში,” მადრიდის “ატლეტიკოში,” “ვასკუ და გამაში,” “ფლამენგოში,” “სელტიკში,” “პალმეირასში,” ავსტრალიურ “სიდნეიში”.
1980 - გალინა პორივაევა. რუსი ნიჩბოსანი. ბაიდარით ნიჩბოსნობაში ევროპის ჩემპიონი.
ამ დღეს გარდაიცვალნენ
1976 - ფლორენს ბოლარდი. მეკლდეური. 32 წლის ასაკში გულის შეტევით დაიღუპა.
1983 - რომან მეისი. ბელგიელი ველომრბოლელი. ტურ დე ფრანსის რბოლის გამარჯვებული 1935 წელს. გარდაიცვალა 70 წლის ასაკში.
1996 - ჰელმუტ შიონი. ლეგენდარული გერმანელი საფეხბურთო მწვრთნელი. მისი თავკაცობით გერმანიის ფედერაციული რესპუბლიკის ნაკრებმა1974 წელს მსოფლიოს, ხოლო 1972 წელს ევროპის ჩემპიონობა მოიპოვა. 1966 წლის მუნდიალზე შიონმა გფრ ფინალში გაიყვანა, 1970 წელს კი, ყოფილი დასავლეთ გერმანიის ნაკრებმა მესამე ადგილი დაიკავა მექსიკაში ჩატარებულ მსოფლიოს პირველობაზე. გარდაიცვალა 80 წლის ასაკში.
