„ფერარი“ განმარტავს, რომ მისი გადაწყვეტილება, ახალი სარბოლო ავტომობილი SF90 მუქი მქრქალი წითლით შეეღება, პრაგმატული მიზეზების შედეგია. გუნდის შეფ მატია ბინოტოს თქმით, მქრქალი ფერის გამოყენებამ წონის შემცირება გახადა შესაძლებელი. ამასთან, ის აეროდინამიკის მხრივაც, უფრო ეფექტურია.
„ახალი ფერის გამოყენების მიზეზი ესთეტიკა არაა. პრიალა ფერზე უარის ტქმით, ჩვენ რამდენიმე ასეული გრამი მოვიგეთ. ეს ბევრი არაა, მაგრამ როცა ყველა მიმართულებით ცდილობ გაუმჯობესებას, მცირესაც ეფექტი აქვს“, - ამბობს ბინოტო.
სხვათა შორის, „ფერარიზე“ ადრე, მქრქალი ფერის გამოყენება „რედ ბულმა“ დაიწყო (2016 წელს) და ამ შემთხვევაშიც მიზეზი წონის დაზოგვა იყო. „ფერარიმ“ ღებვის ახალი პროცესიც დაამუშავა, რომელიც უფრო გლუვი ზედაპირის მიღების საშუალებას აძლევს. მისი მეშვეობით, სპონსორების ლოგოები და წარწერები თუნდაც მცირე გადასვლებსაც აღარ ქმნის და შესაბამისად, ჰაერის ნაკადსაც წინააღმდგობა თითქმის არ ხვდება.
ბინტო ასევე შეეხო იმ ფაქტს, რომ SF90 წინამორბედთან შედარებით, განიერია. ის ამბობს, რომ ავტომობილის პრაქტიკულად ყველა ელემენტი ახალი ან გაუმჯობესებულია. თუმცა იმასაც უსვამს ხაზს, რომ ეს არის შარშანდელი კონცეპტის განვითარება და ძველი მოდელისგან ხელუხლებელი არაფერი დარჩა.