ლევან ფანცულაია და გიგა ყუფარაძე საქართველოს ვაჟთა 78-ე ჩემპიონატის ფინალში ითამაშებენ.
ფანცულაიამ პირველივე ტაი-ბრეიქში 2:0 დაამარცხა დავით არუთინიანი. ასევე პირველივე ტაი-ბრეიქში მოიგო ყუფარაძემ მიკრო-მატჩი ლუკა პაიჭაძესთან - 1.5:0.5.
შესაბამისად, პაიჭაძე და არუთინიანი ერთმანეთს მესამე საპრიზო ადგილისთვის შეებრძოლებიან.
შეგახსენებთ, რომ საქართველოს ვაჟთა 78-ე ჩემპიონატის დებულების თანახმად, პირველ სამ ადგილზე გასული მონაწილეები ევროპის ჩემპიონატზე დაფინანსდებიან.
