საქარველოს ნომერ პირველი ჩოგბურთელი ეკო გორგოძე შრიუსბერში მიმდინარე ITF-ის ტურნირის 1/16-ფინალში მსოფლიო რეიტინგის 288-ე ნომერთან, ნორვეგიელ ულრიკე ეიკერთან 6:7, 3:6 დამარცხდა. შეხვედრა საათსა და 41 წუთს გაგრძელდა.
ეკომ შეხვედრა კარგად დაიწყო და ბრეიკით დაწინაურდა. თუმცა ნორვეგიელმა ჩოგბურთელმა ანგარიში გაათანაბრა და პირველი სეტი ტაიბრეიკზე 7:2 მოიგო. მეორე სეტის სტარტზევე ქართველმა ჩოგბურთელმა თავის ჩაწოდება დათმო და მას შემდეგ შეხვედრის შემოტრიალების რეალური შანსი აღარ ჰქონია.
გორგოძემ უამრავი შეცდომა დაუშვა და აშკარა იყო, რომ მეტოქემ პირველ რიგში ფსიქოლოგიურად აჯობა.
