ესპანური ლა ლიგის იანვრის თვის საუკეთესო ფეხბურთელად ბილბაოს „ატლეტიკის“ შემტევი ინიაკი ვილიამსი დასახელდა. აღნიშნულ ინფორმაციას ლა ლიგის ვებგვერდი ავრცელებს.
„ბილბაოს“ ფეხბურთელმა იანვარში 4 თამაში ჩაატარა და 3 გოლი გაიტანა. აღსანიშნავია, რომ ხსენებული ოთხი თამაშიდან ბასკებმა სამი მოიგეს და ერთხელ ფრე ითამაშეს.
მიმდინარე სეზონში 24 წლის ფორვარდის ანგარიშზე 22 მატჩი, 7 გოლი და 4 საგოლე გადაცემაა.
