ფრანგულმა „პარი სენ ჟერმენმა“ სანქტ-პეტერბურგის „ზენიტიდან“ ლეანდრო პარედესი დაიმატა. აღნიშნული ინფორმაცია პარიზელთა ვებგვერდმა ოფიციალურად დაადასტურა.

პარედესმა პსჟ-სთან კონტრაქტი 2023 წლის ზაფხულამდე გააფორმა, ხოლო ტრანფერის ღირებულებამ 40 მილიონი ევრო შეადგინა.

„ძალიან ამაყი ვარ, რომ ისეთ გუნდს შევუერთდი, როგორიც „პარი სენ ჟერმენია“. იტალიასა და რუსეთში მიღებული გამოცდილების შემდეგ, ახლა ეს ფანტასტიკური შანსი მომეცა, რომ მომერგო ერთ-ერთი ყველაზე პრესტიჟული მაისური მსოფლიოში“, - განაცხადა პარედესმა.

24 წლის პარედესს აქამდე „ბოკა ხუნიორსის“, „კიევოს“, „რომას“, „ემპოლისა“ და „ზენიტის“ რიგებში უთამაშა. რუსულ გუნდს არგენტინელი 2017 წელს „რომადან“ შეუერთდა.