ამსტერდამის „აიაქსის“ ნახევარმცველი ფრენკი დე იონგი ფრანგულ „პარი სენ ჟერმენში“ გადავა. As-ის ინფორმაციით, ჰოლანდიელმა ფეხბურთელმა გადაწყვეტილება უკვე მიიღო და „ბარსელონაში“ გადასვლას პარიზული ვარიანტი ამჯობინა.

გავრცელებული ცნობით, პსჟ-მ დე იონგსა და „აიაქსს“ გაცილებით უკეთესი პირობები შესთავაზა, ვიდრე ესპანურმა გრანდმა. ფრანგული გუნდი 21 წლის ფეხბურთელში 75 მილიონ ევროს იხდის.

ფრენკი დე იონგმა მიმდინარე სეზონში „აიაქსის“ რიგებში 26 თამაში ჩაატარა და 4 გოლის გატანა მოახერხა.