ფეხბურთი

10:15 | 13.01.2019 | ნანახია [] - ჯერ

დეკემბრის საუკეთესო - გიორგი ჩაკვეტაძე

დეკემბრის თვეში საუკეთესო ქართველი ფეხბურთელი გიორგი ჩაკვეტაძე გახდა. WORLDSPORT.GE-ს ყოველთვიურ გამოკითხვაში “თქვენ ირჩევთ”, ბელგიური "გენტის" ნახევარმცველმა ხმების უმეტესობა მიიღო და გაიმარჯვა.

აღნიშნულ გამოკითხვაში 408 ადამიანმა მიიღო მონაწილეობა და გიორგიმ გამოკითხულთა ხმების უმეტესობა მიიღო - 31.4%. აღსანიშნავია, რომ წინა თვეებისგან განსხვავებით, ამჯერად ჩვენი მკითხველი ერთსულოვანი არ ყოფილა და გამოკითხვაც დაძაბულ ვითარებაში წარიმართა.

ჩაკვეტაძემ მცირედით აჯობა მეორე ადგილზე გასულ გიორგი მერებაშვილს, რომელსაც მხარი 26.7%-მა დაუჭირა. მესამე პოზიციაზე გიორგი პაპუნაშვილი (22.3%), გავიდა, ხოლო მეოთხე ადგილზე ნიკა კაჭარავა აღმოჩნდა 19.6%-ით.

აღსანიშნავია, რომ ჩვენს გამოკითხვაში, რომელიც უკვე 2 წელზე მეტია არსებობს, პირველად მოხდა, რომ ზედიზედ ოთხჯერ ერთმა ფეხბურთელმა მოიგო. ეს სწორედ ჩაკვეტაძემ შეძლო, რომელიც ჩვენმა მკითხველმა სექტემბერში, ოქტომბერში, ნოემბერში და ახლა უკვე დეკემბერში მიჯრით გამოარჩია.

აქვე, გიორგი ჩაკვეტაძის დეკემბრის მონაგარის შესახებ:

გიორგი ჩვენი გამოკითხვის რეკორდსმენია - ზედიზედ ოთხჯერ უდიდესი უპირატესობით გაიმარჯვა (სექტემბერი, ოქტომბერი, ნოემბერი, დეკემბერი). 2018 წლის საუკეთესო ფეხბურთელის გამოკითხვაშიც შეძლო ჩვენს ვებგვერდზე პირველობა. დეკემბერი ისეთი წარმატებული ნამდვილად არ ჰქონია, როგორც წინა თვეები, მაგრამ 19 წლის შემტევმა გასულ თვეში 4 მატჩი ჩაატარა, 1 გოლი გაიტანა და 1 საგოლე პასი გააკეთა. ეს ყოველივე ბელგიის თასზე, ქვედა ლიგელ „ბეერსხოტთან“.

ჩვენი გამოკითხვა "თქვენ ირჩევთ" თებერვლის დასაწყისში ისევ განთავსდება ჩვენს ვებგვერდზე და თქვენ იანვრის თვის საუკეთესო ქართველ ფეხბურთელს გამოავლენთ.

Loading...
0.130841