ფეხბურთი

13:47 | 5.01.2019 | ნანახია [] - ჯერ

ალეგრის ზიდანი ჩაანაცვლებს

იტალიის ჩემპიონი ტურინის „იუვენტუსი“ შესაძლოა ზინედინ ზიდანმა ჩაიბაროს. Mundo Depotivo-ს ცნობით, 2019 წლის ზაფხულში მასიმილიანო ალეგრის „ბებერი სინიორას“ თავკაცის პოსტზე ფრანგი ჩაანაცვლებს.

როგორც ესპანური გამოცემა წერს, ალეგრის „იუვენტუსის“ დატოვება და კარიერის უცხოეთში გაგრძელება უნდა, ხოლო ტურინელები მის შემცვლელად „ზიზუს“ განიხილავენ, რომელიც ასევე თანახმაა, რომ „იუვეში“ დაბრუნდეს.

აქვე გეტყვით, რომ ალეგრის „იუვენტუსთან“ კონტრაქტი 2020 წლის ზაფხულამდე აქვს გაფორმებული, ხოლო ზიდანი 2018 წლის შემდეგ ისვენებს.

შეგახსენებთ, რომ ალეგრიმ "იუვენტუსი" 2014 წელს ჩაიბარა და ოთხჯერ მოაგებინა იტალიის ჩემპიონატი და იტალიის თასი, ხოლო ორჯერ ჩემპიონთა ლიგის ფინალში გაიყვანა.

სტატისტიკა
0.225819