"ლივერპულის" მცველი ნათანიელ კლაინი მიმდინარე სეზონის დარჩენილ დროს იჯარის წესით "ბორნმუთში" გაატარებს. აღნიშნული ინფორმაცია "ალუბლების" ოფიციალურმა ვებგვერდმა გაავრცელა.
ინგლისელი ფეხბურთელი "ლივერპულმა" 2015 წელს "საუთჰემპტონიდან" დაიმატა. მიმდინარე სეზონში კლაინმა "წითლების" მაისურით პრემიერლიგის ოთხ შეხვედრაში მიიღო მონაწილეობა, სულ კი "ლივერპულის" რიგებში 103 მატჩი აქვს ჩატარებული.
