ერთ დროს წარმატებული და მრავლისმქმნელი, ახლა კი უკვე ვეტერანი რუსი მეჩოგნე მარია შარაპოვა კარგა ხანია შევიდა იმ სპორტსმენთა შორის, რომლებმაც ფულის კეთების გემო გაიგეს და ახლა მისი მთელი ავტორიტეტი, ცნობადობა და სიმშვენიერე სწორედ იმისკენაა მიმართული, რომ სანამ ჯერ კიდევ სიტყვა ეთქმის, გვარიანი ფული იშოვოს.
გასული წელი შარაპოვასთვის ფინანსურად მაინცდამაინც წარმატებული არ ყოფილა. მარია ჯერ პირადმა ადვოკატმა “გადააგდო“ და ფული ასწაპნა, შემდეგ კი სარესტორნო ბიზნესში ჩადებულმა სრულიად გაუთვლელმა ინვესტიციამ არ გაუმართლა და ჩოგნის მარჯვედ ქნევით ნაშოვნი ფული მავან ოღრაშებს მიათხლიშა.
მარია შარაპოვას იმედი აქვს, რომ წელს გაუმართლებს, რადგან მისი ახალი ბიზნეს-ინიციატივა ყველაზე ნაცნობ და მშობლიურ სფეროს - ჩოგბურთს უკავშირდება. ერთ-ერთმა ამერიკულმა სპორტული ინვენტარის მწარმოებელმა კომპანიამ, შარაპოვასთან თანაინვესტირებით, ცნობილი ჩოგბუროთელების ავტოგრაფებიანი ჩოგნების წარმოება გადაწყვიტა. საქმეს ისეთი პირი უჩანს, რომ მარია ბიზნესში ამჯერად მაინც მიაღწევს მიზანს და საწუწუნოც აღარ ექნება.
