"ჩელსის" ნახევარმცველი სესკ ფაბრეგასი ზამთრის სატრანსფერო პერიოდში სხვა გუნდში გადასვლას არ აპირებს. აღნიშნული ინფორმაცია თავად ფეხბურთელმა დაადასტურა. ესპანელს ევროპული მედია "მილანს" და " ატლეტიკოს" უკავშირებს.
"არავისთან მისაუბრია. რა თქმა უნდა, შემიძლია იანვარში რომელიმე მსურველ კლუბთან წინასწარ შევათანხმო კონტრაქტი, თუმცა სეზონის ბოლომდე "ჩელსიში" ვაპირებ დარჩენას. ინგლისურ კლუბში თავს ბედნიერად ვგრძნობ." - ციტირებს Football Espana ფაბრეგასის სიტყვებს.
მიმდინარე სეზონში ფაბრეგასმა 10 მატჩი ჩაატარა და მოედანზე საშუალოდ 58 წუთს ატარებს. ესპანელს "ჩელსისთან" კონტრაქტი მიმდინარე სეზონის ბოლომდე აქვს გაფორმებული.
