კალათბურთი

1:28 | 24.11.2018 | ნანახია [] - ჯერ

შენგელიას MVP-ს ტიტული და გამარჯვება “პანათინაიკოსთან”

ევროლიგის მე-9 ტურში თორნიკე შენგელიას “ბასკონიამ” ათენის “პანათინაიკოსი” 86:77 დაამარცხა, ქართველი კალათბურთელი კი მატჩის უძვირფასესი მოთამაშე (MVP) გახდა.

შენგელია სასტარტო ხუთეულში გამოჩნდა და 28:19 წუთში 16 ქულა, 7 მოხსნა (3 შეტევაში), მისთვის სარეკორდო 7 პასი, 3 ჩაჭრა და 1 დაფარება მოაგროვა.

თოკომ 7-დან 3 ორქულიანი, 2-დან 1 სამქულიანი და 10-დან 7 საჯარიმო ჩააგდო, ბურთი 3-ჯერ დაკარგა, 2-ჯერ დაუფარეს, 3 პერსონალური ფოლი მიიღო, მის წინააღმდეგ კი თამაშის წესები ერთბაშად 8-ჯერ დაირღვა.

შედეგად, ქართველი ლეგიონერის სარგებლიანობის კოეფიციენტი 26-ს გაუტოლდა და ეს, მასპინძელთა რიგებში საუკეთესო მაჩვენებელი იყო, სტუმართაგან კი ამერიკელი კიტ ლენგფორდი გამოირჩა 33 ქულით.

საქართველოს ნაკრების კიდევ ერთმა კალათბურთელმა მეტ ჯენინგმა “ბასკონიას” 26:31 წუთში 12 ქულა, 3 პასი და 1 ჩაჭრა შესძინა. მან ორქულიანი, 5-დან 3 სამქულიანი და საჯარიმო გამოიყენა.

ესპანურმა გუნდმა 3 მოგება და 6 მარცხი მოაგროვა და სატურნირო ცხრილში მე-11 ადგილზე გადაინაცვლა, მომდევნო მატჩს კი 30 ნოემბერს, სტამბულში “ანადოლუ ეფესთან” ელის.

Loading...
0.116594